Əlindəki pulu oğurlayıb 10 manat yolpulu qaytardı

Əlindəki pulu oğurlayıb 10 manat yolpulu qaytardıBakıda soyğunçuluq edən şəxs saxlanılıb.

Sonxeber.az DİN-ə istinadən xəbər verir ki, yanvarın 25-də paytaxt sakini Fərid Həsənov rayon ərazisində yerləşən internet klublarının birindən çıxan zaman tanımadığı şəxs ona yaxınlaşaraq 187 manat pulunu soyğunçuluq yolu ilə əlindən alıb.

Cinayəti törətməkdə şübhəli bilinən, əvvəllər məhkum olunmuş Nərimanov rayon sakini Ceyhun Sultanov saxlanılıb.

O, əvvəlcə internet klubda zərərçəkənin pulunu ələ keçirmək istəyib. Amma orada istəyinə nail ola bilməyən C.Sultanov F.Həsənovun klubdan çıxmasını gözləyib və ona yaxınlaşıb.

Qeyd edək ki, Ceyhun Sultanov zərərçəkənin pul kisəsində olan 197 manatı götürəndən sonra 10 manatı yolpulu etməsi üçün F.Həsənovun özünə geri qaytarıb.

Kriminal   Baxılıb: 2644   Tarix: 29 yanvar 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR