"Atamı azadlığa buraxdıracağını deyib məndən 150 min aldı"

"Atamı azadlığa buraxdıracağını deyib məndən 150 min aldı"Bakı Ağır Cinayətlər Məhkəməsində baş prokurorun keçmiş müavini, dələduzluqda təqsirləndirilən Məmmədvəli Cəfərovun məhkəməsi başlayıb.

Hakim Rasim Sadıxovun icraatında olan prosesdə zərərçəkmiş Rəşad Yusifov ifadə verib.

O bildirib ki, atası Rəhman Yusifov 2013-c ildə 5 il müddətinə azadlıqdan məhrum olub: "İş Ali Məhkəmədə olanda Məmmədvəli Cəfərovla müqavilə bağladıq. Ona 2 min manat pul verdim. Məmmədvəli Cəfərov Ali Məhkəmədə tanış adam tapdığını, atamı oradan azadlığa buraxdıracağını deyib məndən 150 min manat aldı. 2015-ci ilin əvvəlində 2 dəfə kassasiya şikayətini geri götürdü ki, iş alınmır. Sonra baxdım ki, bu adam məni aldadıb. Pulumu geri istəyəndə, bəhanələr etdi, telefonumu açmırdı. Daha sonra hissə-hissə 61 min manat qaytardı".

R.Yusifov təqsirləndirilən şəxsdən şikayətçi olduğunu, ona dəymiş zərərin ödənilməsini istəyib. Proses fevralın 8-də davam etdiriləcək.

M.Cəfərov 1992-ci ildə baş prokurorun müavini olub. Vəkillər Kollegiyasının üzvü olan M.Cəfərov hazırda 13 saylı Vəkil Bürosunda fəaliyyətini davam etdirir.

Zərərçəkmiş R.Yusifovun atası Rəhman Yusifov isə 2008-ci ilədək Qaradağ Rayon İcra Hakimiyyəti başçısının müavini, həbs edilərkən isə Əmək və Əhalinin Müdafiəsi Nazirliyinin Qaradağ rayon şöbəsinin müdiri olub.

"Faktor.az"

Kriminal   Baxılıb: 1724   Tarix: 02 fevral 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR