Milyarderin vurulduğu məşhur qadın indi küçələrdə yatır - VİDEO - FOTO

Milyarderin vurulduğu məşhur qadın indi küçələrdə yatır - VİDEO - FOTOBir zamanlar çox məşhur model olan, qlamur jurnallardakı fotosessiyaları ilə tanınan qadın indi evsiz-eşiksiz həyat sürür, küçələrdə yatır.

O, İspaniyanın Barselona şəhərində gecələr bankların girişində özünə yer düzəldir.

67 yaşlı Nastasya Urbano 1980-ci illərdə Linda Yevangelista və Sindi Krouford kimi dünyaca məşhur modellərin yaxın rəfiqəsi idi. Urbano "Yves Saint Laurent" brendinin "Opium" ətrinin "reklam siması" da olmuşdu.

Hollivud ulduzu Cek Nikolson və əfsanəvi rəssam Endi Uorhollun aşiq olduqları Nastaya Urbanoya eşq elan edən milyonçular və hətta milyarderlər də az deyildi.

İndi Kataloniyanın paytaxtında küçələrdə, yaxun da bankların foyelərində yatan Nastasya Urbanonun 20 yaşı olanda o, artıq populyar modeldi. "Ford Models" agentliyi ilə müqavilə imzalayandan sonra Urban Nyu-Yorka köçmüşdü.

"Ən məşhur jurnallar üçün fotosessiyalara çəkilirdim, daim diqqət mərkəzində olurdum. İldə cəmi 20 gün işləməyin müqabilində 1 milyon dollar alırdım. Roman Polanski ilə şam yeməyində olmuşdum. Melani Qriffit, Don Conson, Patrik Sueyzi, Riçard Gir, Kristn Onassis, Saymon və Qarfankel məni evlərinə qonaq çağırmışdılar. Madonna ilə Şon Penn məni toylarına dəvət etmişdilər. O zamanlar aktyor Devil Kit də mənə vurulmuşdu. Hər şeyim vardı, kraliça kimi yaşayırdım", - Nastasya Urbano söyləyib.

Sabiq modelin dediyinə görə, həyatı ərə gedəndən sonra dəyişdi, alt-üst oldu.

"Ərə gedəndən sonra ailənin bütün xərcləri mənim boynumda idi. Ailə həyatımda yeganə müsbət məqam uşaqlarım oldu. Yerdə qalan hər şey çox pisdi. Ərim bütün xərclərini mənim pullarımla ödəyirdi. Toydan cəmi iki gün sonra ona BMW almağımı istədi. Mən də axmaq kimi aldım. Gərək onda başa düşəydim bu adamın kim olduğunu...", - Nastasya Urban deyir.

Depressiyaya qapılmış N.Urbanonun sözlərinə görə, boşanandan sonra pulsuz və evsiz qalıb. Bütün pulları narkoman və qumarbaz ərinin borclarının ödənməsinə gedib. Evlərini də banklar borclara görə müsadirə ediblər.

"Həyat uğrunda mübarizə aparmaq yox, yaşamaq istəyirəm. Əzab çəkməkdən, pul dilənməkdən usanmışam. Bir zamanlar ətrafıma pərvanə kimi dolanan adamların hamısı məni tərk etdi. İstəyirəm uşaqlarım normal yaşadığımı görsünlər. Sağalmaq, övladlarımın mənimlə qürurlanmalarını arzulayıram", - Nastasya Urban göz yaşlarını saxlaya bilməyib.
milli.az

Dünyada   Baxılıb: 3666   Tarix: 08 fevral 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR