Məşhur şəxsin ailəsində iki faciə: anasında xərçəng tapıldı, qaynatası vəfat etdi - FOTOLAR

Dünyanın ən məşhur futbolçularından biri, İtaliyanın "Yuventus" klubunun forvardı Kriştianu Ronaldunun anası Mariya Doloreş duş Santuş Aveyruda döş xərçəngi aşkarlanıb.

Sonxeber.az milli.az-a istinadən bildirir ki, oğlunun 35-ci ad gününə qatılmaq üçün İtaliyaya yollanmazdan əvvəl Portuqaliyada jurnalistlərin suallarını cavablayan 64 yaşlı Aveyrunun sözlərinə görə, 12 il əvvəl, 2011-ci ildə İspaniyanın paytaxtı Madriddə döş xərçəngi ilə bağlı cərrahiyyə əməliyyatına məruz qalmışdı.

"Sonra şüa terapiyasından keçdim. Lakin, sən demə, xərçəng şişləri tam yoxa çıxmayıbmış. İndi müalicəmi davam etdirirəm. Kriştianuya bu barədə deməmişdim", - futbolçunun anası söyləyib.

Kriştianu Ronaldu isə qeyri-rəsmi nikahda olduğu xanımı Corcina Rodrigeslə birlikdə Argentinada, qayınatası Xorxe Eduardo Rodrigesin dəfnindədir.

70 yaşlı Eduardo Rodriges gənclik illərində peşəkar futbolçu olsa da, ciddi uğurlar əldə etməyib.

İspaniyada yaşamış Eduardo Rodrigesin ölüm səbəbi onun iki il yarım əvvəl keçirdiyi insultdur.

Corcina Rodriges 11 yaşında olanda atası ailəsini atıb getmişdi. Sonradan o qayıtsa da, yenidən boşanmışdı. Bizneslə məşğul olmaq fikrinə düşən Rodriges restoran açmış, amma çoxsaylı borclarını qaytara bilmədiyi üçün onun restoranını, maşının və evini məhkəmə müsadirə etmişdi.

Bundan sonra Xose Eduardo Rodriges vətəni Argentinaya yollanmış, Corcina bacısı İvana ilə İspaniyada qalmış, anası isə Romaya getmişdi.
Məşhur şəxsin ailəsində iki faciə: anasında xərçəng tapıldı, qaynatası vəfat etdi - FOTOLARMəşhur şəxsin ailəsində iki faciə: anasında xərçəng tapıldı, qaynatası vəfat etdi - FOTOLARMəşhur şəxsin ailəsində iki faciə: anasında xərçəng tapıldı, qaynatası vəfat etdi - FOTOLAR

Dünyada   Baxılıb: 2592   Tarix: 09 fevral 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR