Azərbaycanda hamı bu məktəbdən danışır - FOTO

Lənkəran rayonunun Veravul kəndində yerləşən 2 saylı orta məktəbin tədris binası acınacaqlı vəziyyətdədir.

Sonxeber.az qafqazinfo-ya istinadən xəbər verir ki, bu barədə sosial şəbəkədə məlumat paylaşılıb. Bildirilib ki, məktəb vaxtilə ferma üçün tikilib və hazırda tam yararsız haldadır. Belə ki, döşəmə çürüyüb, divarlar çatlayıb, tavan çökür.

55 ildir ki, bu vəziyyətdə tədris üçün istifadə olunan binanın sonuncu dəfə sovet dövründə qapı və pəncərələrinə, döşəmə və divarlarana boya vurulub. Hazırda məktəbdə 320 şagird, 40-dan çox müəllim qeydiyyatdadır.

Təhsil Nazirliyindən "Qafqazinfo"nun sorğusuna cavab olaraq bildirilib ki, "Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı" çərçivəsində sözügedən məktəbin tikintisi nəzərdə tutulub və bu məsələyə növbəti illərin dövlət investisiya proqramında baxılacaq.

Telegramda izləyin

instagramda izləyin