Kamal Abdulladan qalmaqal yaşadığı xanım dekanla bağlı MÜHÜM QƏRAR

Azərbaycan Dillər Universitetinin (ADU) Filologiya və Jurnalistika fakültəsinin dekanı Vüsalə Ağabəyli vəzifəsindən çıxarılıb.

BakuPost xəbər verir ki, bu barədə V. Ağabəyli özü bildirib və əlavə edib ki, onu əsassız iddialarla vəzifəsindən çıxarıblar.

O, ADU-da əleyhinə çıxmamış insanların da hazırda hədəf olduğunu bildirib: "Kimlər ki, mənim əleyhimə çıxmayıblar, növbəti hədəf onlardır. Pərvin Mürsəlovanı da bu gün işdən çıxardı, görək daha sonra kimləri çıxarır".

Qeyd edək ki, bundan öncə K. Abdulla Filologiya və jurnalistika fakültəsinin dekanı V. Ağabəyliyə töhmət verildiyini açıqlamışdı. V. Ağabəyli isə rektoru universitetdə ayrı-seçkilik salmaqda, Elmi Şurada müəllimləri təhqir etməkdə, dostunun qızı olan və ingilis dilini bilməyən müəllimə dərs verməkdə, imtahanlarda köçürməyə şərait yaratmaqda günahlandırmışdı.

Telegramda izləyin

instagramda izləyin