Bələdiyyələr dirilərlə işləyə bilmədiyindən onlara ölüləri həvalə etdik - DEPUTAT

"Bizim bələdiyyələrlə bağlı ən məntiqli qanununmuz qəbiristanların salınması və onun idarə olunması idi. Çünki bələdiyyələrin dirilərə faydalı xidmət göstərə bilməyəcəyini yaxşı bildiyimizdən, ölüləri onlara həvalə etdik".

Sonxeber.az xəbər verir ki, bunu deputat Fazil Mustafa parlamentin bu gün keçirilən plenar iclasında Bələdiyyələrin fəaliyyətinə inzibati nəzarəti həyata keçirən orqanın illik məruzəsi müzakirəsi zamanı çıxış edərkən deyib Onların ölülərlə yaxşı işləyəcəyinə inanmaq olar.

Onun sözlərinə görə, bələdiyyələrin fəaliyyətini yenidən formalaşdırmaq üçün qanunvericilik bazası təkmilləşdirilməlidir. "Bu gün bələdiyyələr bir sıra problemlərlə üz-üzədir. Bələdiyyələr bu günə kimi ərazi xəritələrini əldə edə bilmirlər. Bələdiyyələrin fəaliyyətinə problem yaradan digər problem onların inzibati məsuliyyətsizlik adı altında mənasız yerə məhkəmlərə cəlb edilməsidir. Bələdiyyə sədrləri günlərlə məhkəmlə dəhlizlərini süründürüqlürlər. Səbəb də o gətirlir ki, guya onlar qəraraları təkbaşına veriblər. Bu gün təkcə bələdiyyədirmi təkbaşına qərar verən. Odur ki, bələdiyyə sədrlərinin məhkəmələrə inzibati məsuliyyətə cəlb olunması sayını azlatmaq lazımdır"- F. Mustafa deyib.

Deputat Qənirə Paşayeva bələdiyyələrdə kadr prolbeminin olmasından gileyləndi. "Ölkədə 1700-dən artıq bələdiyyənin fəaliyyət göstərməsinə baxmayaraq cəmi 50-dək bələdiyyə kommerisya qurumu yaradıb və onun da əksəriyyəti normal fəaliyyət göstərmir. Büdcəyə vergi vermir. Çünki bələdiyyə sədrləri buna öz qazanc mənbəyi kimi baxırlar. Odur ki, bələdiyyələrə münasibəti dəyişmək üçün bu quurmda işləmək istəyən təşəbbüskar gənclər cəlb olunmalıdır"- Q. Paşayeva bildirib.

Deputat Çingiz Qənizadə isə bələdiyyələrə nəzarət edən qurumun fəaliyyətini təqdir edəərk deyib ki, bu quurm hesabat dövründə 72500 inzibati aktı yoxlayıb və 203 aktın dəyişdirilməsi barədə qərar verib. "Bu çox normal göstəricidir. Bundan əlavə 103 bələdiyyə sədri inzibati məsuliyyətə cəlb olunub. Bunlaırn bir qismi məhkəmlərə cəlb olunub. Bu bir daha bələdiyyələrə nəzarət edən qurumun bələdiyyələrin fəaliyyətinə necə ciddi münasibət göstəridiyini göstərir. Nəzarət qurumu bələdiyyələrin fəaliyyətinə dəstək verməklə yanaşı, bələdiyyələrdə işinin öhdəsindən gələ bilməyənlərə qarşı barışmaz mövqe sərgiləyir. Bu təqdir olunası haldır. İşinin öhdəsindən gələ bilməyənlər cəzalandırılmalıdır və bu çox normal haldır"- Ç. Qənizadə deyib.
O əlavə edib ki, bələdiyyələrin fəaliyyətini canlandırmaq üçün gənclərini bu prosesə cəlb olunmasına şalışmaq laızmdır.

Telegramda izləyin

instagramda izləyin