Tanış qadınla yad kişini görüşdürdü, cinsi əlaqədə olarkən videoya çəkdi, sonra... - Bakıda

Tanış qadınla yad kişini görüşdürdü, cinsi əlaqədə olarkən videoya çəkdi, sonra... - BakıdaBakıda intim əlaqədə olduğu qadını şantaj etməkdə təqsirli bilinən Masallı rayon sakini, 1984-cü il təvəllüdlü Samir Məmmədov və onun dostu Sadiq Əliyevin cinayət işi üzrə məhkəmə prosesi başa çatıb.

Samir Məmmədov tanışı Sadiq Əliyev və şəxsiyyəti məlum olmayan Sevda adlı qadınla zərərçəkmiş şəxs haqqında rüsvayedici məlumatlar yayma hədəsi ilə özgənin əmlakını hədə-qorxu ilə tələb etmə barədə razılaşaraq qabaqcadan əlbir olan bir qrup halında birləşiblər.

Əxlaqsız qadını kişi yanına necə saldılar?

Sadiq Əliyev plan üzrə 27 may 2014-cü il tarixdə fahişəliklə məşğul olan Sevda adlı qadın tanışını, sonuncunun internet vasitəsilə tanış olduğu Şahbaz ilə görüşdürüb, qabaqcadan razılaşdırılmış 60 manat müqabilində kirayə tutduğu və əxlaqsız yuvası təşkil etdiyi paytaxtın Nizami rayonundakı mənzildə cinsi əlaqədə olmasını təşkil edib.

Sadiq Əliyev əvvəlcədən aralarında əldə edilmiş razılaşmaya əsasən, Sevda adlı qadın həmin mənzildə Şahbazla cinsi əlaqədə olma prosesini "Fujitsu" markalı noutbuk tipli kompüterin videokamerası vasitəsilə gizli şəkildə çəkib video çəkilişlə müşayiət edilən cinsi əlaqə prosesi başa çatdırıb.

Rüsvayedici hədələr

Daha sonra Sadiq Əliyev mənzilə daxil olaraq Sevda adlı qadınla birlikdə Şahbazı barədə rüsvayedici məlumatları özündə əks etdirən pornoqrafik xarakterli video görüntüləri müxtəlif internet saytlarında, ailə üzvləri və tanışları arasında yaymaqla hədələyib.

Bu hədə ilə o, 10 iyun 2014-cü il tarixədək 500 manat verməsini Şahbazdan hədə-qorxu ilə tələb edib. İyunun 26-da əvvəlcədən razılaşdıqları kimi Sadiq Əliyev qrupun digər üzvü Samir Məmmədov ilə birlikdə cinayət hərəkətlərini davam etdiriblər, tələb etdikləri pulu almaq üçün Şahbazın işlədiyi Səbail rayonu Bibiheybət yolu 68 nömrəli ünvanda yerləşən yağdəyişmə sexinə gəliblər.

Şantaj və həbs

Şahbaz vəd etdiyi 500 manatı vermədiyi üçün haqqında rüsvayedici məlumatları özündə əks etdirən pornoqrafik xarakterli videogörüntüləri yayma hədəsi ilə iyulun 20-ə kimi 600 manat verməsini hədə-qorxu ilə təkrar tələb ediblər. Tələb etdikləri həmin məbləğdən 20 manatı aldıqdan sonra pulun qalan hissəsini iyulun 20-də verməsini bildiriblər.

Bu barədə Şahbaz iyulun 3-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə verdiyi ərizəyə əsasən, keçirilmiş əməliyyat-axtarış tədbiri zamanı həmin tarixdə saat 12.40-da Samir Məmmədov və Sadiq Əliyev həbs olunublar.

İstintaq orqanı tərəfindən Samir Məmmədov və Sadiq Əliyevin barəsində Cinayət Məcəlləsinin 182.2.1-ci (qabaqcadan əlbir olan bir qrup şəxs tərəfindən hədə-qorxu yolu ilə tələb etmə) maddəsi ilə ittiham elan edilib.

"Axtarsaq da, Şahbazın işlədiyi yeri tapa bilmədik"

Cinayət işi üzrə təqsirləndirilən şəxs qismində ifadə verən Samir Məmmədov elan olunmuş ittiham üzrə özünü qismən təqsirli bilib. O, qeyd edib ki, 2014-cü ilin iyun ayının sonlarında Sadiq ona zəng edib, bir nəfərin pul verəcəyini və ondan qaçdığını, yerini təxmini bildiyini, birlikdə gedərək pulunu almalarını xahiş edib: "Həmin gün günortadan sonra Sadiq ilə Nərimanov parkının yanında görüşdük. Birlikdə avtobusla Bayraq Meydanı yanına gəldik. Axtarsaq da, Şahbazın işlədiyi yeri tapa bilmədik. Sadiq Şahbazın telefonu açmadığından mənim mobil telefonundan zəng vuraraq danışdı. Bundan sonra biz Şahbazın dediyi yerə gəldik".

"20 manat yol pulu verdi"

Samir Məmmədovun sözlərinə görə, orada Şahbazın işlədiyi sexi tapıblar: "Sadiq sexə daxil oldu və sonradan özüm də onun arxasınca ora girdim. Həmin vaxt Sadiq Şahbazdan pulu nə vaxt verəcəyini soruşdu. Bu zaman Şahbaz yasları düşdüyünü və ona görə də gələ bilmədiyini deyərək and-aman etdi. Şahbaz stolun üstünə qoyulmuş dəftərin arasından 20 manat yol pulu Sadiqə verdi".

"Bizə avtomobildə gözləməyimizi bildirdi"

Samir Məmmədov qeyd edib ki, iyulun 3-də, saat 11-12 radələrində Sadiq ona zəng edib: "Biz Qara Qarayev metrosunda görüşdük. Sadiq mənə 15 gün əvvəl pul borclu olan həmin oğlanın işlədiyi sexə gedib, pulunun bir hissəsini qaytarmaq istədiyini bildirdi. O, tək getmək istəmədiyini, mənimlə birlikdə getməyi xahiş etdi. Sadiqin yanında həmin vaxt əvvəllər yanında iki dəfə görüb, tanıdığım Məhəmməd Mehdiyev də var idi. Bu söhbətdən sonra biz Sadiqin təklifi ilə metronun yanında yolun kənarında dayanmış taksiyə əyləşərək, həmin ünvana çatdıq. Sadiq bizə avtomobildə gözləməyimizi bildirdi, tək avtomobildən düşərək getdi. Taksi avtomobilinin sürücüsü, özüm və Məhəmməd Mehtiyev avtomobildə qaldıq".

"Şantaj etdiyindən xəbərim olmayıb"

Samir Məmmədov bildirib ki, təxminən 10 dəqiqə keçəndən sonra Sadiqin gəlmədiyini görüb: "Hava isti olduğundan avtomobilin qapısını açaraq düşmək istədim. Bu zaman tanımadığım şəxslər mənə yaxınlaşdı və xidməti vəsiqələrini göstərərək, polis işçiləri olmalarını dedilər. Onlarla birlikdə polis idarəsinə getməli olduğumu izah etdilər. Polis əməkdaşlarının avtomobilə əyləşdikdə salonunda Sadiqi gördüm. Sadiqin Şahbazı şantaj etdiyindən heç bir məlumatım və xəbərim olmayıb".

"Telefonuma gələn zəngə cavab verdim"

Cinayət işi üzrə zərərçəkmiş şəxs qismində dindirilən Şahbaz bildirib ki, iyunun 26-da, saat 19 radələrində işdə olub: "Həmin vaxt telefonuma gələn zəngə cavab verdim. Telefonda başqa bir oğlan mənə müştəri kimi zəng edib, işlədiyim yağ dəyişmə yerinin ünvanını soruşdu. Zəngdən təxminən 10 dəqiqə sonra sexə Samir və Sadiq gəldi. Həmin vaxtı sexdə kresloda əyləşmiş vəziyyətdə idim. Samir mənə durub yerlərini dəyişməsini dedi. Sonra Sadiqi göstərib, pulunu verməməyimi soruşdu. Həmin məbləğdə pulu düzəldə bilmədiyimi cavab verdim. Samir mənə bu dəfə Sadiqi yox, onu tanımağımı və iyulun 5-nə kimi 250 manat, iyulun 10-na kimi 250 manat, 10-dan 20-nə kimi isə əlavə 100 manat alacağını bildirdi".

"Benzin pulu olduğunu bildirdi"

Zərərçəkmiş qeyd edib ki, sonra Samir gündəlik qeydiyyat apardığı dəftərini açıb və dəftərin arasında olan təxminən 60 manatdan 20 manat götürüb: "Samir 16 gündür məni axtardıqlarını və bu da onların benzin pulu olduğu, bu pulun həmin pula aidiyyəti olmadığını bildirdi. Sonra onlar getdilər".

"Nömrələri əvvəlcədən götürülmüş 200 manat verdilər"

Şahbaz deyib ki, iyunun 28-də, axşam saat 20 radələrində Sadiq telefondan ona zəng vuraraq pulun hazır olub-olmaması ilə maraqlanıb: "Sadiqin Sevda ilə cinsi əlaqədə olarkən video çəkilişi yaya biləcəyindən qorxduğum üçün yalandan ona 40 manat düzəltdiyimi dedim. Sadiq həmin məbləğdə pulun az olmasını söylədi. Mənə lombarddan pul çıxarmağı, onlara verməyimi tələb etdi. Qorxumdan Sadiqə yaxşı deyərək telefon danışığını bitirdim. Sonrakı günlərdə çox düşünüb, öz-özümə tələb etdikləri pulu tapıb versəm, yalandan videonu sildiklərini deməklə pulu aldıqdan sonra internetdə yayacaqlarını fikirləşdim. Hədə-qorxu ilə pul tələb etmələri barədə polisə şikayət etmək qərarına gəldim. İyulun 3-də Baş Mütəşəkkil Cinayətkarlıqla Mübarizə İdarəsinə şikayət ərizəsi ilə müraciət etdim. Polis işçiləri mənə seriya və nömrələri əvvəlcədən götürülmüş 200 manat verdilər".

"Pulu sayıb, getmək istədi"

Şahbazın sözlərinə görə, Sadiq sonuncu dəfə onunla əlaqə saxladıqda pulu götürmək üçün işlədiyi yağ dəyişmə sexinə gələcəyini deyib: "Buna görə də iyulun 3-də, saat 12 radələrində polis əməkdaşları və iki hal şahidləri ilə birlikdə işlədiyim sexin yaxınlığına gəldim. Orada polis işçilərindən ayrılaraq sexin qarşısına getdim. Təxminən 10 dəqiqə sonra Sadiq zəng vurdu, taksi ilə gəldiklərini, beş dəqiqəyə çatacaqlarını deyəndə bu barədə kənardan müşahidə aparan polis əməkdaşlarına bildirdim. 10-15 dəqiqə keçəndən sonra Sadiq və Samir tanımadığım oğlan avtomobildən düşdü. Həmin vaxt pulu Sadiqə verdim. Sadiq 200 manatı götürərək saydı və getmək istədikdə polis əməkdaşları sexə daxil oldular. Əvvəlcə Sadiqi, sonra isə Samirivə əvvəllər tanımadığım oğlanı və taksi sürücüsünü saxladılar".

İki nəfərə 7 il cəza

Bakı Ağır Cinayətlər Məhkəməsinin hökmü ilə Samir və Sadiq hər biri 7 il müddətinə azadlıqdan məhrum edilib. Hökmdən narazı qalan hər iki təqsirləndirilən şəxs apelyasiya şikayəti veriblər. Onların şikayətlərinə Bakı Apelyasiya Məhkəməsində baxılıb və hökm dəyişdirilmədən saxlanılıb.

Dəstənin bir üzvünün cəzası azaldıldı

Bu qərardan narazı qalan Samir Məmmədov ötən il kasasiya şikayəti verib. O, günahsız olduğunu və barəsində bəraətverici əsaslarla hökm çıxarılması üçün işinə yenidən baxılmasını istəyib.

Samir Məmmədovun şikayəti araşdırılması üçün Ali Məhkəməyə göndərilib. Hakim Gülzar Rzayevanın sədrlik etdiyi kollegiyada kasasiya şikayətinin dəlilləri araşdırılıb və bu günlərdə qərar elan edilib.

Qərara görə, Samir Məmmədovun kasasiya şikayəti qismən təmin olunub. Onun cəzası 6 ilə qədər endirilib, hökm qalan hissədə dəyişdirilmədən saxlanılıb./publika


Sonxeber.az Telegramda izləyin instagramda izləyin
Hadisə   Baxılıb: 9904   Tarix: 16 fevral 2019  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

Oxşar xəbərlər

.

Türkiyədə məktəb mikroavtobusu yük maşını ilə toqquşub, xəsarət alanlar var

Türkiyənin Mardin şəhərinin Mazıdağı ərazisində yük maşını və məktəb mikroavtobusunun iştirakı ilə baş verən qəza nəticəsində yeddi nəfər xəsarət alıb. Yaralıların şagird və müəllimlər olduğu bildirilib. Onların hamısı yaxınlıqdakı xəstəxanalara aparılıb. Faktla bağlı araşdırma aparılır.( )

10 mart
.

Səs- Küy qonşular arasında davaya səbəb oldu - VİDEO

Türkiyədə iki qonşu arasında səs-küy səbəbiylə mübahisəsi yaranıb. xarici mediaya istinadən xəbər verir ki, mübahisə ilə başlayan hadisədə silahla yaralanma ilə nəticələnib. Belə ki, qonşular arasında davanı ayırmaq üçün gələn şəxsiyyəti məlum olmayan şəxs tüfənglə atəş açmağa başlayıb. Məlum olub ki

11 mart
.

Bakıda gecəyarısı sevgilisini maşında gördü: "Səsləri gəlirdi..." - Şok təfərrüat

Bakının Xəzər rayonunda 2004-cü il təvəllüdlü Telman qısqanclıq zəminində mübahisə zamanı sevgilisi Ləmanla münasibət saxlayan Ayaza (adlar şərti verilib - red.) xəsarət yetirib. -un əldə etdiyi məlumata görə, Telman 22 iyun 2023-cü ildə gecə saat 04.00-da Xəzər rayonu, Qala qəsəbəsi, Yeni sahədə qeyri-rəsm

16 mart
.

Bakıda 51 yaşlı kişi İNTİHAR ETDİ

Bakının Sabunçu rayonunda intihar hadisəsi baş verib. APA-ya istinadən xəbər verir ki, hadisə Ramana qəsəbəsində qeydə alınıb. Belə ki, Karxana adlanan ərazidə yaşayan 1973-cü il təvəllüdlü Zeynalov Rauf Ağasan oğlu yaşadığı evdə özünü asıb. Onun meyiti yaxınları tərəfindən aşkarlanıb. Meyit müayin

17 mart
.

Əfqanıstanda avtobus yandı: 20-dən çox sərnişin öldü

Əfqanıstanın cənubunda avtobusun iştirakı ilə baş verən qəzada azı 21 nəfər ölüb, 11 nəfər yaralanıb. Məlumata görə, Hilmənd vilayətində magistral yolda avtobus, motosiklet və yanacaq çəni daşıyan yük maşını toqquşub. Hadisə nəticəsində avtobus yanıb. Zərərçəkənlər xəstəxanaya yerləşdirilib.( )

17 mart
.

Bakı-Moskva təyyarəsi Domodedovodakı məhdudiyyət səbəbindən Şeremetyevo hava limanına enib

"Azərbaycan Hava Yolları" aviaşirkətinin Bakı-Moskva (Domodedovo hava limanı) marşrutu üzrə J2 181 reysini yerinə yetirən təyyarəsi hava limanının bağlı olması ilə əlaqədar Şeremetyevo aeroportuna enib. Bu barədə "Azərbaycan Hava Yolları" QSC-nin Mətbuat Xidmətindən bildirilib. Təyyar

17 mart
.

Ağsuda keçmiş məhkumlar yenidən həbsə göndərildilər

Ağsu Rayon Polis Şöbəsinin əməkdaşları tərəfindən narkotiklərin qanunsuz dövriyyəsi ilə məşğul olan, əvvəllər də oğurluq, eləcə də digər cinayət etdikləri üçün məhkum olunmuşlar - İlqar Məlikov, Şamil Qasımov və Adıgözəl Süleymanov saxlanılıblar. Bu barədə Daxili İşlər Nazirliyinin Mətbuat Xidmətini

16 mart
.

Azərbaycan polisi hər yerdə 16 yaşlı bu qızı AXTARIR

Bakının Binəqədi qəsəbəsində 16 yaşlı qız itkin düşüb. xəbər verir ki, hadisə ilə bağlı qızın atası Z. A Binəqədi RPİ-nin 43-cü PB-nə ərizə ilə müraciət edib. Onun sözlərinə görə, qızı A. A martın 11-i saat 12:00 radələrində yaşadığı ünvandan çıxıb naməlum istiqamətə gedib və bir daha geri qayıtmayıb

17 mart
.

Şəmkirdə yeznə qaynını bıçaqladı

Şəmkirdə bıçaqlanma hadisəsi olub. xəbər verir ki, hadisə rayonun Qaracəmirli kəndində baş verib. Kənd sakini, 34 yaşlı E.Heydərov aralarında yaranmış mübahisə zəminində qaynı, 31 yaşlı R.Hüseynlini bıçaqlayıb. Polis əməkdaşlarının keçirdikləri əməliyyat tədbirləri nəticəsində E.Heydərov saxlanılıb

16 mart