"Əri, iki uşağı ola-ola, başqa kişi ilə..." - Səidədən həmkarına ŞOK İTTİHAM - FOTO

Müğənni Səidə Sultan "5/5"-də odlu-alovlu açıqlamaları ilə diqqətləri üzərinə çəkib.

Sonxeber.az Milli.Az-a istinadən xəbər verir ki, müğənni Zaur Kamalın "Xoşuna gələn oğlan yoxdurmu indiyənə qədər? Varsa, evlən, çıxsın getsin də" ifadəsinə sərt reaksiyası ilə yadda qalıb.

Səidə bu açıqlaması ilə bir çox həmkarının bostanını da daş-qalaq edib:

"Ayıb olar, var. Mən də çox istəyirəm, amma ...! Bizim öz müğənnilərimiz var ki, çıxıb ağızlarına gələni danışırlar. "Ay müğənni qız almaram, ay müğənni qızla nə bilim neyləmərəm". Lazım deyil belə danışmaq. Biz birinci özümüz-özümüzə hörmət etməliyik. Mən o müğənnilərə deyirəm ki, bəs sizi niyə alıblar, yaxud da bəs sizə niyə ərə gəliblər? Bunun başqa cavabı varsa, kimsə desin ki, Səidə, düz demirsən. Yaxşı, onda niyə sizi alıblar, sizə niyə ərə gəliblər? Yerin də qulağı var. Kor-kor, gör-gör dünyasıdır. Mən özümü tanıyıram. Mən bilirəm ki, bu millətin övladıyam. Hər bir evin dəcəl övladı olur, valideyn əgər onu istəyirsə, bağışlayır. Məni də bu gün insanlar sevirsə, o da sənətimə görədir. Amma mən bilirəm ki, Səidə kimi, üzr istəyirəm e, mən başqa yolla pul qazanmamışam. Məni səhv salmasınlar. Mən nə yaşamışamsa, özüm öz "şotuma" etmişəm. Ev yıxmağı mən özümə yaraşdırmaram. Mən özümə arxayınam. Məni sevən oğlan da mənə arxayındır, mən nəyə qadirəm. Minlərlə qız ərə gedir, iraq olsun, özüm tanıyıram ki, əri ola-ola, 2-3-4 uşağı ola-ola başqa kişi ilə görüşür. Ona görə, lazım deyil belə söhbətlər etmək. Sən Zaura da deyirəm, etmə belə söhbətlər. Mən Səidə kimi bilirəm ki, elə-belə oğlanın qızı olmayacam. Məni sevən belə sevirsə, mənim sənətim də qalacaq, ailəm də qalacaq. Mən sonradan çıxıb oxumuram ki, gözümü açandan oxuyuram".

Qeyd edək ki, adı ən çox "Oğluma müğənni qız almaram" deyən məşhurlar arasında hallananlardan Xatun Əliyeva, Nadir Qafarzadə, əməkdar artistlər Könül Kərimova, Elnarə Abdullayevanın adını çəkmək olar.

Telegramda izləyin

instagramda izləyin