Üzünü mişarla doğradı, sonra həkim yanına yollandı - FOTO

Avstraliya sakini təsadüfən üzünü motomişarla doğrayıb, sonra da xəstəxanaya yollanıb.

Sonxeber.az Milli.Az-a istinadən bildirir ki, 68 yaşlı Bill Sinqlton odun doğramaq üçün meşəyə yollanmışdı. Özü ilə müxtəlif ölçülü iki motomişar aparan Sinqlton daha iri motomişarı işə salıb.

Ağacı doğramağa başlayanda motomişar əlindən çıxıb.

Mişar B.Sinqltonun üzünü tən yarıdan kəsib. Dili kəsildiyindən o, telefonla zəng vurub yardım çağıra bilməyib. Güclü qanaxma nəticəsində huşunu itirən Sinqlton bir müddət sonra özünə gəlib, maşına tərəf 40 metr sürünüb və əlinə keçən parçalarla üzünə sarğı qoyub.

"Meşədə kimsənin mənə yardım edəcəyinə ümid etmədim. Ona görə maşına oturub xəstəxanaya yollandım", - deyən Sinqlton üzünü əli ilə tutaraq 32 km məsafəni avtomobildə qət edib.

O, xəstəxanada dərhal cərrahiyyə əməliyyatına məruz qalıb. Xəstəxanada üç həftə qalandan sonra Sinqlton evə buraxılıb.

Baş verənlərə rəğmən Bill Sinqlton yenə meşəyə odun doğramağa gedir.

Telegramda izləyin

instagramda izləyin