Əgər Ermənistan bunu etməsə, mövcudluğu sual altındadır !
Paşinyan sülh istiqamətində ciddi addımlar atmağa qorxur
Azərbaycanın Xarici işlər naziri Elmar Məmmədyarov Rusiya mediasına verdiyi açıqlamasında bildirib ki, "Dağlıq Qarabağ münaqişəsinin nizama salınması üçün yalnız siyasi iradə qalıb". O, Ermənistanın xarici işlər naziri Zoqrab Mnatsakanyanla görüşünün olacağını da istisna etməyib. Eyni zamanda həmsədrlərin münaqişə tərəflərinin hər iki xalqı sülhə hazırlamağa səsləmələriylə bağlı bəyanatının da bu qəbildən təsadüfi olmadığını vurğulayıb.
Məsələylə bağlı Sonxeber.az-a açıqlama verən Milli Məclisin Beynəlxalq münasibətlər və parlamentlərarası əlaqələr komitəsinin üzvü, millət vəkili Asim Mollazadə rəsmi Yerevan üçün çıxış yolunun sülh sazişi imzalamaqdan keçdiyini deyib. Onun sözlərinə görə, Azərbaycan tərəfi sülh sazişini imzalamağa hazırdır və bunun üçün siyasi iradə də mövcuddur:"Paşinyan isə sülh istiqamətində ciddi addımlar atmağa qorxur. Digər tərəfdən, onlar beynəlxalq təzyiqlərə də tab gətirə bilmirlər. Birmənalı şəkildə Ermənistan üçün çıxış yolu sülh sazişi imzalamaqdan keçir. Ermənistan bunu etməsə, bu dövlətin mövcudluğu sual altındadır. Sonrakı poseslər çox ağır nəticələr verə bilər. Azərbaycan sülhə hazır olduğunu ifadə edib. Təcili sülhə ehtiyac var, bununla bağlı mövqeyimiz beynəlxalq ictimaiyyətə də çatdırılıb. Hesab edirəm, Ermənistan ciddi sülh istiqamətində irəliləməlidir".
Rövşən Rəhimli
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş