Oqtay Əsədov ötən ilə yekun vurdu

"2018-ci il ölkəmizin sosial siyasət həyatında ciddi il olub. Ölkə başçısının Nazirlər Kabinetinin ötən ilin yekunları ilə bağlı iclasında söylədiyi kimi, 2018-ci il Azərbaycanda dərin islahatlar ili oldu".

Sonxeber.az-ın məlumatına görə, bunu Milli Məclisin spikeri Oqtay Əsədov parlamentin bu gün keçirilən plenar iclasında deyib.

Onun sözlərinə görə, bu islahatların nəticələri göz qarşısındadır: "Görülən işlər nəticəsində iqtisadiyyatımızın dayanıqlı inkişafı təmin edilib. Cari ilin əvvəlində minimum əmək haqqının, təqaüdlərin, pensiyaların artırılması və digər sosial məsələlərin həlli həyata keçirilən siyasətin nəticəsidir. Aparıcı təşkilatlar bu islahatları yüksək qiymətləndirir. Dünya Bankının hesabatında ölkəmiz əvvəlki hesabatlarla müqayisədə 22 pillə irəliləyib. Digər hesabatlarda da Azərbaycanın mövqeyi əhəmiyyətli dərəcədə yaxşılaşb. Bir sıra layihələr yadda qalıb, iqtisadiyyatın şaxələndirilməsi, aqrar sahəyə diqqət daha da ratırılıb. Valyuta ehtiyatları ötən il 45 milyard dollara çatıb".

Telegramda izləyin

instagramda izləyin