Novruz Məmmədov deputatlara hesabat verir - YENİLƏNİB
2018-ci il Azərbaycanın ictimai-siyasi və sosial-iqtisadi həyatənda böyük uğurlarla və əlamətdar hadisələrlə zəngin olub.
Sonxeber.az-ın məlumatına görə, bunu Baş nazir Novruz Məmmədov Milli Məclisdə Nazirlər Kabinetinin 2018-ci il üzrə hesabatını təqdim edərkən deyib.
N.Məmmədov bildirib ki, ötən il AXC-nin yaranması böyük təmtəraqla qeyd edildi. Baş nazir bildirib ki, 2018-ci ildə keçirilən prezident seçkilərində müdrik xalqımız ən doğru seçim edərək İlham Əliyevi prezident seçdi və ölkədə sabitliyə, inkişafa səs verdi.
Baş nazir deyib ki, prezident seçkilərinmdən sonra dövlət başçısı hökumətin yeni tərkibini müəyyənləşdirdi və qarşıda duran srateji hədəflər müəyyən edildi.
N.Məmmədov qeyd edib ki, Prezident İlham Əliyevin apardığı uğurlu xarici siyasət dövlətimizin nüfuzunun yüksəlməsinə və Azərbaycanı dəstəkləyən ölkələrin sayının artmasına səbəb olub.
Baş nazir vurğulayıb ki, 2018-ci ildə Dağlıq Qarabağ münaqişəsinin həlli Azərbaycanın xarici siyasətinin prioritet istiqaməti olaraq qalıb və münaqişənin yalnız Azərbaycanın ərazi bütövlüyü çərçivəsində həll ediləcəyi bir daha dünya ictimaiyyətinin diqqətinə çatdırılıb.
N.Məmmədov bildirib ki, ötən il ərzində Azərbaycanda əhalinin sosial təminatı yaxşılaşdırılıb, əmək haqları, pensiyalar, müavinətlər artırılıb.
Baş nazir bildirib ki, ötən il Azərbaycanın qida məhsulları ilə özünün təmin etməsinə böyük əhəmiyət verilib və bu istiqamətdə dövlət dəstəyi davam etdirilib: "Əkin sahələrinin suvarma sisteminin yaxşılaşdırılmasıda diqqət ayrılıb, eyni zamanda əhalinin içməli su ilə təminatının yaxşılaşdırılması üçün 314 subartezan quyusu qazılıb, suvarma kanallarının, kollektor şəbəkəsinin yaradılması istiqamətindəmüvafiq işlər aparılıb.
O qeyd edib ki, 50 aqroparkın yaradılması istiqamətində müvafiq işlər aparılır.
Baş nazir bildirib ki, ötən il Azərbaycanda səhiyyənin inkişafına, tibb müslələrinin maddi texniki bazasının gücləndirilməsinə, müasir avadanlıqlarlarla təmin edilmısinə böyük diqqət ayrılıb, 47 tibb müəsisəsində təmir-tikinti işləri aparılıb.
Baş nazir turizm sahəsinin inkişaf etdiyini də diqqətə çatdırıb. O qeyd edib ki, ötən il ərzində Azərbaycana gələn xarici turistlərin sayının artaraq 2.8 miyon nəfərə çatması bu sahəsinin inkişaf etməsindən xəbər verir.
Baş nazir idmançılarımızın da böyük uğurlar qazandığını diqqətə çatdırıb. Ölkəmizdə 58 beynəlxalq yarışın keçirildiyini diqqətə çatdıran baş nazir idmançılarımızın 236 beynəlxalq yarışlarda iştirak etdiyini bildirib. O qeyd edib ki, ötən il idmançılarımız 263-c qızıl olmaqla 753 medal qazanıb.
N.Məmmədov həmçinin biznes mühitinin yaxşılaşdırılması istiqamətində işlərin aparıldığını qeyd edib. Azərbaycan "Doing business" hesabatında 32 pillə irəliləyib, MDB dövlətləri arasında lider mövqeyə yüksəlib.
Bundan əlavə baş nazir qeyd edib ki, Qum-çınqıl karxanaları 12,3 milyon manat cərimələnib.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş