Xarici siyasətdə prioritet nə olub? - Baş nazirdən AÇIQLAMA

Xarici siyasətdə prioritet nə olub? - Baş nazirdən AÇIQLAMABaş nazir Novruz Məmmədov bu gün Milli Məclisdə Nazirlər Kabinetinin 2018-ci ildə fəaliyyəti haqqında hesabat verib.

Sonxeber.az-ın məlumatına görə, Baş nazir çıxışına Azərbaycan xalqını Novruz bayramı münasibəti ilə təbrik etməklə başlayıb.

N. Məmmədov deyib ki, hesabat dövründə Dağlıq Qarabağ münaqişəsinin həlli xarici siyasətdə prioritet olub: "Avropa İttifaqı və Azərbaycan arasında "Strateji Tərəfdaşlıq" adlı prioritet sənədi bu istiqamətdə xüsusi qeyd etmək istəyirəm".

Baş nazir ötən dövrdə valyuta ehtiyatlarının 3 milyard dollar artıdığını nəzərə çatdırıb: "Büdcənin gəlirləri proqnozdan 360 milyon manat çox olub. Keçən il sosial mənzillərin də satışına başlanılıb. Keçən il büdcə xərclərinin 7,2 milyard manatı sosial yönümlü xərclərin payına düşüb. Pensiyaların məbləği 6 faizdən çox artıb. Keçən ilin sonuna qədər şəhid ailələrinə 34 milyon manat birdəfəlik ödəniş verilib".

Baş nazir qeyd edib ki, Prezident İlham Əliyev ərzaq təhlükəsizliyinə xüsusi diqqət yetirir: "Keçən il 451,5 milyon manat məbləğində investisiya hesabına 568 kilometrdən artıq suvarma kanallarının bərpa işləri aparılıb, 50 min hektardan artıq ərazidə suvarma işləri yaxşılaşdırılıb. Nəticədə 2017-ci illə müqayisədə 2018-ci ildə kənd təsərrüfatı məhsullarının istehsalı 4,2 faiz artıb ".

N. Məmmədov qeyd edib ki, keçən il ölkənin 11 rayonunda yerləşən xalçaçılıq fabrklərində 5,5 min kvadratmetrdən artıq xalça toxunub: "Keçən il 800-ə qədər məktəb və uşaq bağçası tikilib, yenidən qurulub. 8 min 120 yerlik modul tipli məktəblər istifadəyə verilib".

Baş nazir keçən il idmançıların beynəlxalq yarışlarda 753 medal qazandığını nəzərə çatdırıb: "Mən mətbuatda hesabatla bağlı mövqeyini bildirən deputatların fikirləri ilə də tanış olmuşam. Hər bir fikrə münasibət bildiriləcək".

Sosial   Baxılıb: 202   Tarix: 15 mart 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR