Qızıl Xaç Komitəsindən ermənilərin əsir götürdüyü Azərbaycan vətəndaşı ilə bağlı Açıqlama

Qızıl Xaç Komitəsindən ermənilərin əsir götürdüyü Azərbaycan vətəndaşı ilə bağlı AçıqlamaErmənistan silahlı qüvvələri tərəfindən girov götürülən Qazax sakini Elvin Arif oğlu İbrahimovla Beynəlxalq Qızıl Xaç Komitəsinin (BQXK) nümayəndələri görüşmək üçün hazırda Ermənistan höküməti ilə danışıqlar aparır. Bunu Sonxeber.az-a açıqlamasında BQXK ictimaiyyətlə əlaqələr şöbəsinin rəhbəri İlahə Hüseynova bildirib. Onun sözlərinə görə, Ermənistan hakimiyyəti orqanları Azəbaycan vətəndaşının girov götürülməsi barədə BQXK-nı məlumatlandırıb: "Hal-hazırda hakimiyyət orqanları ilə dialoq aparılır ki, Beynəlxalq Qızıl Xaç Komitəsinin nümayəndələri saxlanılan şəxsə baş çəksinlər. Beynəlxalq humanitar hüquq normalarına görə, bu, Beynəlxalq Qızıl Xaç Komitəsinin mandatıdır". İ.Hüseynova görüşün nə zaman tuta biləcəyilə bağlı bildirdi ki, təmsil olunduğu qurum bu barədə yalnız sözügedən görüş baş tutandan sonra məlumat verə bilər: "Dialoq aparılır, baş çəkmə barədə yalnız bu hal baş verdikdiən sonra məlumat verə bilər. Hətta saxlanıan şəxs barədə ad belə çəkmirik".

Qeyd edək ki, martın 15-dən 16-a keçən gecə Qazax rayonu Yuxarı Salahlı kənd sakini 29.10.1986-cı il təvəllüdlü İbrahimov Elvin Arif oğlu Azərbaycan-Ermənistan dövlət sərhədini keçərkən erməni hərbçiləri tərəfindən girov götürülüb, sözügedən şəxs xəbərdarlıqlara məhəl qoymadığına görə ona atəş açılıb. Ayağından yaralanan E.İbrahimov tibbi məntəqəyə yerləşdrilib.

Rövşən Rəhimli

Siyasət   Baxılıb: 1233   Tarix: 18 mart 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR