"Əli İnsanovun azadlığa çıxandan sonra verdiyi açıqlama sırf onun daxilində olan məkrliyidir"

"Əli İnsanovun azadlığa çıxandan sonra verdiyi açıqlama sırf onun daxilində olan məkrliyidir"Xəbər verdiyimiz kimi, Prezident İlham Əliyev əfv sərəncamı imzalayıb. Sərəncam nəticəsində 399 nəfər azadlığa buraxılıb. Sərəncam 431 nəfərə şamil olunub. Azadlığa çıxanların arasında keçmiş Səhiyyə naziri Əli İnsanov da var.

Bununla bağlı big.az-a açıqlama verən deputat Cavid Osmanov qeyd edib ki, ölkə prezidenti tərəfindən imzalanan əfv sərəncamı çox humanist bir addımdır: "Bu əfv sərəncamı Novruz bayramı ərəfəsində bir çox ailələrin sevincinə səbəb oldu. İmzalanan əfv sərəncamının əsas mahiyyəti cənab prezidentimizin hər bir azərbaycanlıya göstərdiyi qayğıdır. Eyni zamanda törətdiyi cinayət əməlinə görə peşman olan insanların bağışlanmasıdır. Bilirik ki, cənab prezidentimizin rəhbərliyi dövründə bir neçə dəfə bu cür əfv sərəncamları imzalayıb. Bundan əlavə Azərbaycanın birinci vitse-prezidenti Mehriban xanım Əliyeva tərəfindən bu məsələ vaxtaşırı qaldırılıb. Təəssüf ki, bəzi əfv olunub azadlığa çıxanlar cənab prezidentimiz əvəzinə, ayrı-ayrı ölkələrə və beynəlxalq təşkilatlara öz təşəkkürünü bildirib. Təbii ki, bu, onların məkrli fikirləridir. Cənab prezidentimiz öz böyüklüyünü göstərərək hər bir Azərbaycan vətəndaşının prezidentidir. Əli İnsanovun azadlığa çıxandan sonra verdiyi açıqlama sırf onun daxilində olan məkrliyidir. Biz bilirik ki, cənab prezidentimiz heç vaxt heç kimdən asılı olmayan siyasət yürüdür. Cənab prezidentimiz heç bir dövlətin və qurumun təsiri ilə əfv sərəncamı imzalamayıb. Bu, sadəcə olaraq, cənab prezidentimizin humanist addımıdır. Çünki bu, birinci əfv sərəncamı deyil".

Deputat vurğulayıb ki, Meydan televiziyasının rəhbəri Emin Milli cənab prezidentimizin bu addımına da münasibət bildirib: "Artıq onlar da anlayırlar ki, arxalarında dayananların təsiri altında düz yolda deyillər. Bəlkə də yalan danışmaqdan doyublar".

"Əli İnsanovun azadlığa çıxandan sonra verdiyi açıqlama sırf onun daxilində olan məkrliyidir"

Sosial   Baxılıb: 7762   Tarix: 18 mart 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR