"Əli İnsanov çox gözəl bilir ki, törətdiyi konkret cinayət əməllərinə görə həbs edilib"

"Əli İnsanov çox gözəl bilir ki, törətdiyi konkret cinayət əməllərinə görə həbs edilib""Əli İnsanovun həbsdən çıxdıqdan sonra ilk təəssüratı belə olmalıydı ki, Bakı şəhəri nə qədər dəyişib, mən Bakını tanıya bilmədim". Bunu Sonxeber.az-a Milli Məclisin deputatı Elman Nəsirov Azərbaycan Prezidenti İlham Əliyevin imzaladığı əfv sərəncamına və keçmiş səhiyyə naziri Əli İnsanovun həbsdən çıxdıqdan sonra verdiyi açıqlamaya münasibət bildirərkən deyib.

Sayca 65-ci əfv sərəncamıdır

Onun sözlərinə görə, Prezident İlham Əliyevin 16 mart 2019-cu il tarixində imzaladığı əfv sərəncamı 431 nəfərə şamil olunur və sayca 65-ci əfv sərəncamıdır: " 2003-cü ildən bəri isə Prezident İlham Əliyev 33 dəfə belə əfv sərəncamı imzalayıb. Bu əfv sərəncamları nəticəsində 7973 nəfər əfv olunub. Təkcə bir faktı deyim ki, cənab Prezidentin 2018-cü il mayın 24-də imzaladığı əfv sərəncamı ilə 634 şəxs azadlığa çıxıb. Bu siyasətin əsasını da ümummilli lider Heydər Əliyev qoyub. 1995-ci ildən bu günədək 11 amnistiya aktı qəbul olunub. Bu aktlar çərçivəsində 117 mindən çox məhbus bundan faydalanıb, yəni azadlığa qovuşub. Son 4 amnistiya aktının, yəni 2007-ci il, 2009-cu il, 2013-cü il və 2016-cı ildə qəbul olunmuş amnistiya aktlarının müəllifi isə ölkəmizin Birinci vitse-prezidenti Mehriban Əliyevadır".

Prezident həmin məhkumlara inanır

Millət vəkili qeyd edib ki, Prezident İlham Əliyevin 16 mart tarixində imzaladığı əfv sərəncamı isə ilk növbədə humanizm prinsiplərindən, mərhəmət hissindən irəli gələn addımdır: "Cənab Prezident konkret cinayət əməlinə görə həbs olunmuş insanların cəzaçəkmə müəssisələrində olarkən davranışlarını, səhhətlərini, ailələrinin müraciətini, daha ictimai təhlükəli olmamalarını, eyni zamanda ombudsmanın müraciətini, müxtəlif insan hüquqları təşkilatlarından gələn müraciətləri ümumiləşdirərək əfv fərmanı imzalayıb. Prezidentin bu sərəncamı Novruz bayramı ərəfəsinə təsadüf etməsi daha böyük məna və əhəmiyyət kəsb edir. 431 məhkumun ailələri və qohumlarını da nəzərə alsaq görərik ki, nə qədər insana sevinc bəxş edilib. Bu həm də Prezidentin həmin məhkumlara inamının nəticəsidir. Ölkə başçısı inanır ki, həmin şəxslər evlərinə qayıtdıqdan sonra cəmiyyətin faydalı üzvlərinə çevriləcəklər, cəmiyyətə inteqrasiya olunaraq layiqli yerlərini tutacaqlar".

"Siyasi məhbus" axtarışına çıxıblar

E. Nəsirov diqqətə çatdırıb ki, bəzi siyasi dairələr əfv sərəncamı əsasında azadlığa çıxmış insanlar arasında "siyasi məhbus" axtarışına çıxıblar: "Əvvəla qeyd edim ki, Azərbaycanda siyasi məhbus yoxdur və ola da bilməz. Çünki ulu öndər Heydər Əliyevin qurduğu müasir Azərbaycan dövlətçiliyi demokratik inkişaf yolunu seçib. Prezident İlham Əliyev Azərbaycanı demokratiya yolunda irəli aparır. Demokratiyanın son həddi yoxdur. Kim deyirsə ki, demokratiyanın son nöqtəsindədir, bu, yanlış yanaşmadır. Demokratiya bir prosesdir. Biz də həmin proses çərçivəsində sistemli şəkildə siyasi, iqtisadi və sosial islahatlar aparırıq ki, demokratik cəmiyyət qurulucuq prosesimiz növbəti mərhələyə keçsin. Məsələyə belə baxmaq lazımdır. Siyasi baxışına görə deyil, konkret cinayət əməlinə görə həbs olunan insanlar var.

Əli İnsanov bu yaşında istirahət etməlidir, nəvələri ilə görüşməlidir

Keçmiş səhiyyə naziri Əli İnsanovun əfv olunması və həbsxanadan çıxarkən verdiyi açıqlamalara gəlincə, deputat hesab edir ki, Ə. İnsanov ilk növbədə onu azadlığa buraxan, azadlığa çıxması ilə bağlı sərəncam imzalayan dövlətimizin başçısı İlham Əliyevə minnətdarlıq hissini ifadə etməliydi: "Əli İnsanov elə bir yaşa gəlib çatıb ki, müdriklik onu xarakterizə edən keyfiyyət olmalıdır. Müdrik insanlar isə istənilən xoş əmələ görə təşəkkür edirlər, öz minnətdarlıqlarını bildirirlər. Əli İnsanov çox gözəl bilir ki, törətdiyi konkret cinayət əməllərinə görə həbs edilib və burada heç bir siyasi motiv axtarışına çıxmaq lazım deyil. Ona görə də onun bir qədər tələm-tələsik, populist bəyanatı yerinə düşməyən bəyanatdır. İndi o öz ailə üzvlərinə qovuşmalıdır, bu yaşında istirahət etməlidir, nəvələri ilə görüşməlidir, onlarla ünsiyyətdə olmalıdır, həyatdan zövq almalıdır".

Məgər Əli İnsanov kimi təcrübəli adam...

O əlavə edib: "Keçmiş nazir dərk etməlidir ki, 14 il əvvəl həbsxanaya düşdüyü dövrdəki Azərbaycan indi hansı Azərbaycandır. İlk təəssüratı belə olmalıydı ki, Bakı şəhəri nə qədər dəyişib, mən Bakını tanıya bilmədim, Azərbaycanın bu qədər inkişafını təsəvvür edə bilməzdim. Biz ondan bu sözləri gözləyirdik. Amma təəssüf ki, o, azadlığa çıxmasını ABŞ, Avropa, AŞ PA, Avropa İttifaqı bağlayır. Məgər Əli İnsanov kimi təcrübəli adam, nazir olmuş bir adam vaxtilə bu dövlətlərin və təşkilatların dünyada nə qədər ikiüzlü siyasət yeritdiyini tənqid etməyibmi? Əli İnsanov dəfələrlə söyləməyibmi ki, ABŞ və Avropa İttifaqı, AŞ PA, digər dövlət və qurumlar öz siyasi maraqlarına naminə istənilən cinayətə imza atırlar? Əli İnsanovun bu dövlət və qurumlara qarşı nə qədər kəskin çıxış etdiyinin şahidi olmuşuq".

Əli İnsanovdan heç gözləməzdim...

E. Nəsirovun sözlərinə görə, Ə. İnsanova elə gəlir ki, azadlığa çıxması Prezident İlham Əliyevin adı ilə deyil, onun özünün adlandırdığı böyük Amerikanın, Avropa İttifaqının adı ilə bağlıdır: "Qətiyyən belə deyil. Təkcə bir səbəbə görə belə deyil ki, guya siyasi məhbusların daxil olduğu qondarma bir siyahı düzəldiblər. Əli İnsanov düşünsün ki, əgər beynəlxalq təzyiq altında Azərbaycan Prezidenti onu azad edibsə, bəs onda onların siyasi məhbus hesab etdikləri, əslində isə siyasi məhbus olmayan, konkret cinayət əməlinə görə cəza çəkmiş digər şəxslər niyə azad olunmadı? Yəni Avropa İttifaqı, ABŞ tələb edərək digərlərinin də azad olunmasına nail ola bilərdi. Əli İnsanovun məntiqi ilə yanaşsaq, belə olmalıydı. Bu isə olmayıb. Azərbaycan Prezidenti ilə heç bir dövlət və təşkilat diktə diliylə danışa bilmir, əksinə İlham Əliyevə ona görə hörmətlə yanaşırlar ki, o, milli maraqları hər şeyin fövqündə tutur, müstəqil siyasət yürüdür. Əli İnsanov bir şeyi də unutmasın ki, Azərbaycan Prezidentinə 2006-cı ildə ABŞ-a ilk səfəri zamanı nə qədər təzyiq göstərildi ki, Azərbaycan ərazisindən İranın bombalanmasına icazə versin. Ancaq ABŞ Prezidenti Corc Buş buna nail ola bilmədi və indiyədək nail ola bilmirlər. Çünki Azərbaycan Prezidentinin çox möhkəm və polad siyasi iradəsini görüblər. Bununla barışmalı olurlar. Əli İnsanovdan heç gözləməzdim ki, yaşının bu çağında məsələyə bu qədər səthi yanaşsın. O deməlidir: Azərbaycan Prezidenti İlham Əliyevə təşəkkür edirəm ki, mənim yaşımı, səhhətimi nəzərə alıb cinayət törətsəm də böyük ürək nümayiş etdirərək azadlığa çıxmağıma imkan verib. Belə yanaşsaydı, cəmiyyətdə buna görə ona hörmətlə yanaşardılar".

Məftun Salmanov


Sonxeber.az Telegramda izləyin instagramda izləyin
Siyasət   Baxılıb: 5865   Tarix: 18 mart 2019  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

Oxşar xəbərlər

.

Əfqanıstanda nələr baş verir? - Əmrullah Saleh şayiələri TƏKZİB ETDİ

Əfqanıstanın keçmiş vitse-prezidenti və Milli Müqavimət Cəbhəsinin liderlərindən olan Əmrullah Saleh, Pəncşir əyaləti və Əfqanıstanı tərk etdiyi barədə iddiaların yalan və düşmən təbliğatı olduğunu deyib. "Taliban" qüvvələrinin Pəncşir əyalətini ələ keçirdikləri barədə iddiaları ilə bağlı "Euronews"

4 sentyabr 2021
.

Mehriban Əliyeva Xocavənddən paylaşım edib - FOTO

Azərbaycan Respublikasının Birinci vitse-prezidenti Mehriban Əliyeva Xocavənd rayonundan paylaşım edib. xəbər verir ki, Mehriban Əliyeva özünün instaqram səhifəsində Prezident İlham Əliyevin Xocavənd rayonundakı fotosunu paylaşıb. Qeyd edək ki, Azərbaycan Prezidenti İlham Əliyev və Birinci vitse-preziden

29 avqust 2021
.

Azərbaycan və Türkiyə birgə hərbi layihəyə start verib

Azərbaycan Ordusuna dəstək məqsədilə Ermənistan işğalından azad edilən bölgələrdə mina axtarışı və zərərsizləşdirilməsi fəaliyyətləri davam edir. xəbər verir ki, bu barədə Türkiyə Müdafiə Nazirliyinin təşkil etdiyi mətbuat konfransında bildirilib. Qurum rəsmisinin sözlərinə görə, ölkənin Silahlı Qüvvələr

5 sentyabr 2021
.

Kərim Vəliyev Türkiyədə - Əməkdaşlıq məsələləri müzakirə olunacaq

Azərbaycan Respublikası Müdafiə nazirinin birinci müavini - Azərbaycan Ordusunun Baş Qərargah rəisi general-leytenant Kərim Vəliyev Türkiyə Respublikasında rəsmi səfərdədir. Müdafiə Nazirliyindən -a verilən məlumata görə, səfər çərçivəsində Azərbaycan nümayəndə heyətinin Türkiyə Respublikasının hərb

12 sentyabr 2021
.

Ərdoğan Azərbaycanın yeni səfiri ilə görüşəcək

Türkiyə Prezidenti Rəcəb Tayyib Ərdoğan Azərbaycanın bu ölkəyə yeni təyin olunmuş fövqəladə və səlahiyyətli səfiri Rəşad Məmmədovun etimadnaməsini qəbul edəcək. Türkiyə Prezident Administrasiyasının rəsmi saytında bu barədə məlumat dərc olunub. Təqdimat mərasimi Türkiyə Prezident Sarayında yerli vaxtl

9 sentyabr 2021
.

Paşinyanın arvadı haqda sensasion məlumat yayıldı

Erməni mənbələri xəbər verir ki, 44 günlük müharibənin ilk günlərində Nikol Paşinyanın xanımı Anna Akopyan Rusiyanın əleyhinə sərt fikirlər səsləndirib. Baş nazirin xanımı bildirib ki, "əsrlər boyu özünü bizə müttəfiq kimi sırıyan Rusiya əslində heç də bizim müttəfiq və tərəfdaşımız deyil"

9 sentyabr 2021
.

"Onlar sülhməramlı deyil, "erməniməramlı"dır" - Deputatdan SƏRT AÇIQLAMA

Xəbər verdiyimiz kimi, ötən gün Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BBC-yə müsahibəsində bildirib ki, Qarabağda Rusiya sülhməramlılarının mandatı ilə bağlı əlavə hüquqi mexanizmlər məsələsi barədə tərəflər arasınd

6 sentyabr 2021
.

"Biz Ararat Mirzoyanın arzusunu ürəyində qoymayacağıq" - Deputatdan AÇIQLAMA

Xəbər verdiyimiz kimi, ötən gün Ermənistanın yeni təyin olunan XİN rəhbəri Ararat Mirzoyanın, Sergey Lavrovla görüşü zamanı "Qarabağın statusu" ilə bağlı qərar verilməyənə qədər Azərbaycan tərəfi ilə heç bir sülh müqaviləsi imzalanmayacaq" tərzindəki sərsəm açıqlaması Azərbaycan cəmiyyətind

2 sentyabr 2021
.

Sülhməramlıların sayı niyə gün-gündən artır? - Deputatdan AÇIQLAMA

Azərbaycanın Qarabağ bölgəsində müvəqqəti yerləşdirilmiş Rusiya sülməramlıları, üçtərəfli 10 noyabr bəyənatına zidd olaraq, bölgəyə 1960 hərbçi deyil, 8 minə yaxın sülhməramlı qüvvələrə xidmət edən hərbi-tibbi personalın dislokasiyasını təmin ediblər. Məsələ ilə bağlı saytına açıqlama verən deputat Bəhru

10 sentyabr 2021