Ermənilərin girov götürdüyü Elvin İbrahimovun səhhəti ilə bağlı AÇIQLAMA

Girov götürülmüş Qazax sakini Elvin İbrahimovun səhhətində hər hansı problem yoxdur, hazırda onun Ermənistan tərəfə keçərkən ayağından aldığı yaranın müalicəsi davam etdirilir. Bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası Sonxeber.az-ın sorğusuna cavab olaraq bildirib.

Dövlət Komissiyası hazırda tərəflərdə saxlanılan şəxslərin hamının-hamıya prinsipi ilə azad edilməsinin zəruri olduğunu bir daha bəyan edib. Qeyd edək ki, Ermənistan baş naziri Nikol Paşinyan da az öncə keçirdiyi mətbuat konfransında sözügedən məsələylə bağlı bildirmişdi ki, azaraq sərhədi yalnışlıqla keçən mülki şəxslərin dəyişdirilməsi və bu barədə danışıqlar aparmaq mümkündür.

Rövşən Rəhimli

Telegramda izləyin

instagramda izləyin