Yusif Bağırzadə: "İlham Əliyev hər zaman vətəndaşlarımızın yanındadır"

Yusif Bağırzadə: "İlham Əliyev hər zaman vətəndaşlarımızın yanındadır""Cənab Prezident İlham Əliyevin bu bayram ərəfəsində imzaladığı əfv sərəncamı yüzlərlə azərbaycanlı ailələrini sevindirdi. Xüsusilə xalqımızın müqəddəs bayramı olan Novruz bayramı ərəfəsində həbsxanalarda cəza çəkən insanların öz ailələrinə qovuşması təqdirəlayiq haldır".

Sonxeber. az-ın məlumatına görə, bunu politoloq Yusif Bağırzadə Prezident İlham Əliyevin imzaladığı əfv sərəncamına münasibət bildirərkən deyib.

Politoloq vurğulayıb ki, bu dəfə imzalanan əfv sərəncamı digərlərindən fərqlənirdi: "Çünki sərəncam xeyli sayda insana yəni, 431 nəfərə şamil olunurdu. Cənab Prezident tərəfindən atılan belə qətiyyətli addımları yalnız alqışlamaq lazımdır və gələcəkdə də bu istiqamətdə fəaliyyətin davam edəcəyinə böyük ümid edirəm. Bu sərəncam bir daha sübut edir ki, İlham Əliyev hər zaman vətəndaşlarımızın yanındadır".

Y. Bağırzadə sonda Azərbaycan xalqını Novruz Bayramı münasibətilə təbrik edib, uğur və müvəffəqiyyətlər arzulayıb.

Sosial   Baxılıb: 2898   Tarix: 20 mart 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR