23 yaşlı gənc bayram günü faciəvi şəkildə öldü

23 yaşlı gənc bayram günü faciəvi şəkildə öldüGöyçay şəhərinin mərkəzində bayram günü faciə yaşanıb.

Sonxeber.az oxu.az-a istinadla xəbər verir ki, hadisə bu axşam saat 20:00 radələrində şəhərin Nərimanov küçəsində qeydə alınıb.

Rayon sakini, 1996-cı il təvəllüdlü Kərimov Akif Asif oğlu piyada səkisində hərəkət edərkən "Oskar" marketin qarşısındakı irigövdəli çinar ağacının qurumuş budaqlarından biri qəflətən qoparaq onun başına düşüb.

O, ağır kəllə-beyin travması alaraq huşunu itirib. Çoxlu qan itirən Akif Kərimov yaxınlıqdakı insanların köməyi ilə təcili olaraq Göyçay rayon Mərkəzi Xəstəxanasına göndərilib, lakin yolda dünyasını dəyişib.

Qeyd edək ki, ötən həftə Göyçay şəhərinin mərkəzində irigövdəli başqa bir çinar ağacı aşaraq avtomobil yolunu bağlamışdı. Həmin hadisə zamanı evlərə və insanlara ziyan dəyməmişdi.

Hadisə   Baxılıb: 6093   Tarix: 21 mart 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR