Genetik modifikasiya olunmuş ilk insan - FOTO

Hər dəfə heyvanlar üzərində təcrübələr haqqında danışan növbəti elmi verilişlə qarşılaşanda bu bizə fantastik və real olmayan görünür. Amma insanlarla bağlı belə təcrübələr barədə eşidəndə qulaqlarına inanmırsan.

Alimlər çoxdandır ömrümüzü uzatmaq üçün iş aparırlar. Onlar artıq hansı ərzaqları istifadə edəndə cavan qala biləcəyimizi müəyyənləşdiriblər. İndi genetik dəyişiklik növbəsidir.

Sonxeber.az Bizimyol.info-ya istinadən xəbər verir ki, "BioViva" elmi-tibbi şirkətinin rəhbəri Elizabet Perriş cəsarətli addım atmaq qərarına gəldi. O, orqanizminin qocalma prosesini zəiflətmək və ya tam dayandırmaq üçün genlərinin dəyişdirilməsinə razı oldu.

Elizabet PerrişElizabet Perriş

Bizim orqanizmin qocalma prosesi xromosomların uc çıxıntılarının - telomerlərin kiçilməsi ilə başlayır. 2015-ci ildə Elizabetin bədəninə telomerin uzunluğunu artıracaq material yeritmişdilər. Alimlər düşünür ki, məhz bu yolla qocalmanı saxlamaq və orqanizmi cavanlaşdırmaq olar. Nəticənin ölümlə başa çatacaq qədər gözlənilməz ola biləcəyini anladığı halda Perriş elm naminə bununla razılaşdı.

Qadından hətta riskli inyeksiyaya razılığını bildirməklə bağlı videomüraciət hazırlamasını tələb etmişdilər. Prosedur Kolumbiyada keçirilmişdi. Çünki ABŞ-da insanlar üzərində təcrübələr qanunvericilik səviyyəsində qadağan edilib.

Bir müddət əvvəl eksperimentin ilk nəticələri məlum olub. Leykositlərin vəziyyəti, telomerin ölçüsü deyir ki, Elizabetin bioloji yaşı 20 il azalıb. Üstəlik, onun dərisi və saçları da yaxşılaşıb.

Elizabet PerrişElizabet Perriş

Əlbəttə, qocalma prosesi üzərində tam qələbə haqda danışmaq hələ tezdir. Amma yaşla bağlı və genetik xəstəliklərlə mübarizədə ilk addım atılıb.

Telegramda izləyin

instagramda izləyin