Dollar iki manat olacaq

Dollar iki manat olacaqSberbank CİB (Rusiyanın "Sberbank"ın korporativ-investisiya biznesi) ötən gün "MDB: Borc bazarları" investisiya hesabatını dərc edib.

Sonxeber.az azvision.az-a istinadən xəbər verir ki, hesabatda manat da daxil olmaqla, Körfəz ölkələri Əməkdaşlıq Şurasına üzv ölkələrinin valyutalarının məzənnələrinin səviyyədə düşəcəyinə dair proqnozlar yer alıb.

"Vəziyyətin bu cür olmasına səbəb bazarın neft qiymətlərinin "dib"ini proqnozlaşdırmaqda çətinlik çəkməsidir. Ötən gün (19 yanvar) elan olunan qərarlara baxmayaraq, "Brent" markalı neft 25 dollar və daha aşağı göstəriciyə düşsə, USD/AZN məzənnəsi hazırkı 1,60 göstəricisindən yuxarı qalxacaq və ola bilər ki, 1 dollar üçün 2 manat göstəricisinə yaxınlaşsın", - deyə hesabatda qeyd olunur.

Hesabatda, həmçinin vurğulanır ki, Azərbaycan rəhbərliyi ölkə xaricinə kapital axının kənara çıxarılmasının qarşısını almaq üçün müəyyən məhdudiyyətlər qəbul ediblər.

"Yeni qaydaların tətbiq olunması ilə bağlı qərar Azərbaycan Mərkəzi Bankının manatın dollara olan məzənnəsini 35% ucuzlaşdırmaqla üzən məzənnəyə keçmək barədə qərarından düz bir ay sonra qəbul edilib. Azərbaycan neft qiymətlərinin aşağı düşməsi ( hazırda neft qiymətləri 75% aşağı düşüb) fonunda Rusiya və Qazaxıstanın son 18 ay ərzində yaşadığı problemlərlə qarşılaşıb. Neftin ucuzlaşması kursun fiksləşdiyi ölkələrin valyutalarına güclü təzyiq göstərib. Nəticədə yaranan vəziyyət büdcə dinamikasının pisləşməsi ilə nəticələnib. Təcrübə göstərir ki, bu cür çətinliklər çəkən ölkələr öz qızıl – valyuta ehtiyatlarının tükənməsinin qarşısını almaq məqsədilə üzən valyuta keçidin xeyrinə qərar qəbul edirlər.

Azərbaycana gəldikdə isə yerli Mərkəzi bankın rezervləri 15 milyard dollardan təxminən 6 milyard dollara düşüb. Lakin ölkənin Dövlət Neft Fondunda 30 milyard dollardan yuxarı əlavə ehtiyatlar var",- deyə "Sberbank"ın hesabatında bildirilir.

İqtisadiyyat   Baxılıb: 5423   Tarix: 21 yanvar 2016  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR