"May ayında ciddi kadr dəyişikliyi və islahatlar aparılacaq" – Millət vəkilndən SENSASİON AÇIQLAMA

"İlham Əliyev prezident seçildikdən sonra əsas prioritet olaraq Qarabağ məsələsini irəli çəkdi. Xüsusilə də şəhid ailələrinin müavinətinin verilməsi haqda fərman imzaladı. Bu da Qarabağ məsələsinə həssas yanaşmasının göstəricisi idi. Çünki şəhidlərə dəyər vermək gələcəkdə Qarabağ məsələsində iştirak edəcək şəxslərə bir stimul idi".

Bu sözləri Sonxeber.az-a İlham Əliyevin yenidən Azərbaycan Prezidenti seçilməsinin ildönümü ilə bağlı danışan millət vəkili Fazil Mustafa deyib.

Millət vəkili İlham Əliyevin ardınca yanvar ayından başlayaraq sosial-iqtisadi sahədə çox ciddi addımlar atdığını bildirib:

"Struktur islahatları həyata keçirildi. Ən başlıcası ötən il prezident seçildikdən sonra kadrların gəncləşməsi prosesinə start verdi. Bu da çox önəmli idi. Beynəlxalq səviyyədə Dağlıq Qarabağ münaqişəsinin müzakirəsi, Azərbaycanın prinsipial mövqeyinin israrla davam etdirilməsi prioritetlərdən biri idi. Azərbyacanın ictimai-siyasi həytında prezidentin atdığı adddımlar ciddi dəyişikliklər ortaya qoydu. Bir il çox faydalı və məhsuldar xarakterizə oluna bilər".

Fazil Mustafa işdən çıxarılan icra başçıları və kadr dəyişikləri ilə bağlı məqama da toxundu:

"Kadr dəyişikliklərində işdən azad olunlar prezidentin etimadını doğrulda bilməyənlərdir. Təbii ki, etimad doğrultmayan kadrlar hələ də problem olaraq qalır. Xeyli kadrlar var ki, onlar müsbət təcrübəyə malikdir, faydalı işlər görürlər. Amma onların içində yarıtmazlar da az deyil. Bəzi məmurlar və icra hakimləri verilən şansı doğrultmurlar. Yarıtmazlar və etimad doğrultmayanlar olduqca saysız-hesabsızdır. Onların bir qismi hələ də vəzifədədirlər. Bir çoxu da kadr islahatlarına mane olmağa, problemlər yaratmağa çalışırlar. Bu istiqamətdə media, həmçinin də siyasətçilər həmin yarıtmazların faydasız olduqlarını aşkara çıxarmaqla prezidentin münasibətinə köməklik göstərməlidirlər. Hesab edirəm ki, may ayı ərəfəsində ciddi kadr dəyişikliyi və islahatlar aparılacaq".

Gülnarə Eynullaqızı

Telegramda izləyin

instagramda izləyin