"Ermənistan danışıqlar prorsesini uzadır: Rusiyanın sülhə qərar verməsi..." – SENSASİON AÇIQLAMA

"Ermənistan danışıqlar prorsesini uzadır: Rusiyanın sülhə qərar verməsi..." – SENSASİON AÇIQLAMAMoskvada Azərbaycan xarici işlər naziri Elmar Məmmədyarov və Ermənistan xarici işlər naziri Zoqrab Mnatsakanyan arasında Rusiya xarici işlər naziri Sergey Lavrovun iştirakı ilə görüş başlayıb. Görüşdə ATƏT-in Minsk qrupunun həmsədrləri də iştirak edirlər.

Sonxeber.az-a Azərbaycan və Ermənistan Xarici İşlər nazirlərinin görüşünü şərh edən millət vəkili Asim Mollazadə söyləyib ki, Ermənistan danışıqları uzatmağa çalışır.

Millət vəkilinin sözlərinə görə, hər dəfə olduğu kimi, yenə də danışıqları pozmağa cəhd edəcəklər:

"Ermənistan tərəfi yerinə yetirə bilməyən təkliflər irəli sürərək, danışıqlar prosesini yenə də uzadacaqlar. Bunun da əsas səbəbi Ermənistanın sülhə hazır olmamasıdır. Görünür ki, yen rəhbər hansısa ciddi addım atmaqdan çəkinir. Çünki onlar Dağlıq Qarabağ ərazisinin azad edilməsindən çox qorxurlar. Rəqiblərinin bundan istifadə etməsindən və hakimiyyətə qayıtmasından ehtiyat edirlər. Yəni, Nikol Paşinyanın sülhə doğru addım atmasını gözləməyə dəyməz. Çünki sülhə hazır deyil, acizdirlər. Rusiyanın isə, sülhə qərar verməsi və Ermənistanın bu qərarla razılaşması heç də inandırıcı deyil".

Qeyd edək ki, görüşdə müzakirələr martın 29-da Azərbaycan Prezidenti İlham Əliyevlə Ermənistanın baş naziri Nikol Paşinyanın Vyanada keçirilən görüşünün nəticələr üzərində qurulacaq. Vyana görüşündən sonra Rusiya prezidenti Vladimir Putin Azərbaycan və Ermənistan liderləri ilə telefon əlaqəsi yaradaraq, müzakirələr aparmışdı. Bunun arfdından Moskvada nazirlərin görüşünün təşkili daha çox Dağlıq Qarabağ münaqişəsi ətrafında geosiyasi maraqlardan irəli gəlir. Rusiya münaqişənin həllində təşəbbüsün ABŞ-ın əlinə keçməsini istəmir. Əsas hissəsi qapalı olacaq görüşdə Dağlıq Qarabağ münaqişənin həlli yolları müzakirə olunacaq, lakin konkret detallar bəlli deyil.

Gülnarə Eynullaqızı

Siyasət   Baxılıb: 4794   Tarix: 15 aprel 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR