"Məhkəmələr düzgün qərar qəbul ediblər" – Deputatdan problemli kreditlərlə bağlı ŞƏRH

Ali Məhkəmənin sədri Ramiz Rzayev Azərbaycan Prezidenti cənab İlham Əliyev problemli kreditlərin həlli barədə fərman imzaladığı gündən məhkəmələrdə baxılan problemli kreditlərlə bağlı işlərin icraatının təxirə salındığını bildirib.

Sonxeber.az-a problemli kreditlərin təxirə salınması ilə bağlı qərarı şərh edən Milli Məclisin İqtisadiyyat, sənaye və sahibkarlıq komitəsinin üzvü, millət vəkili Vahid Əhmədov Prezident İlham Əliyevin problemli kreditlərin həlli ilə bağlı imzaladığı fərmanın icra olunduğunu bildirb.

Millət vəkili problemli kreditlərin təxirə salınma səbəbinə aydınlıq gətirib:

"Prezidentin porblemli kreditlərin həlli ilə bağlı imzaladığı fərman var. Problemli kreditlərin əksəriyyətinin sənədləri banklara göndəriləcək və banklar tərəfindən baxılacaq. Prezidentin fərmanında bu məsələlərin hamısı öz əksini tapıb. On min dollara qədər, yəni on yeddi min manata qədər krediti olan şəxslərlə əlaqədar məsələlərin həll olunması həyata keçirilir. Banklar tərəfindən bu işlər görülür. Ayın 15-də artıq siyahılar müəyyən edilib. Qalan məsələlərin dayandırlmasında isə, başqa problemlərin olmasıdır. Çox güman ki, həmin məsələlərə də baxılacaq. Hesab edirəm ki, məhkəmələr bu məsələlərin dayandırılmasında tamamilə düzgün qərar qəbul ediblər".

Qeyd edək ki, Ramiz Rzayev fərmanın icrası ilə əlaqədar bütün lazımi tədbirlər görüldüyünü, Maliyyə Bazarlarına Nəzarət Palatası ilə birgə işçi qrupu yaradıldığını əlavə edib.

Günarə Eynullaqızı

Telegramda izləyin

instagramda izləyin