Şit zarafata görə bibisi oğlunu öldürdü — Bakıda qanlı cinayət

Bakıda bibisi oğlunu qətlə yetirməkdə təqsirli bilinən Cavidan Seyfullayev Ali Məhkəməyə şikayət edib.
Sonxeber.az "Ölkə.Az"a istinadən xəbər verir ki, təqsirləndirilən şəxsin şikayəti ilə əlaqədar məhkəmə baxış iclası may ayının 15-də hakim Hafiz Nəsibovun sədrliyi ilə keçiriləcək.
Qeyd edək ki, hadisə 2016-cı ilin may ayında baş verib. Xətai rayonunun M.Hadi küçəsində naməlum şəxs Masallı rayon sakini Musa Nurullayevi bıçaqla qətlə yetirib.

Polis və prokurorluq orqanları əməkdaşlarının əməliyyat-axtarış və istintaq tədbirləri nəticəsində qətli törətmiş Masallı rayon sakini, əvvəllər məhkum olunmuş Cavidan Seyfullayev tutulub. Məlum olub ki, hadisədən əvvəl Cavidan Seyfullayev bibisi oğlu Musa Nurullayevlə kafelərdən birində yeyib-içib.
Daha sonra metronun qarşısında gəzişiblər. Sərxoş qohumların şit zarafatları biri-birlərinin xoşuna gəlməyib. Bu zaman Cavidan bıçaqla Musa Nurullayevi vurub.

Cavidan Seyfullayev Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham olunub.

Bakı Ağır Cinayətlər Məhkəməsində hakim Rauf Əliyevin sədrliyi ilə keçən prosesdə təqsirləndirilən şəxsə hökm oxunub. Cavidan Seyfullayev 18 il müddətinə azadlıqdan məhrum edilib.

Telegramda izləyin

instagramda izləyin