"Xəstənin dünyasını dəyişməsinə səbəb..." - Həkimdən gəncin ölümü ilə bağlı AÇIQLAMA/ÖZƏL

"Xəstənin dünyasını dəyişməsinə səbəb..." - Həkimdən gəncin ölümü ilə bağlı AÇIQLAMA/ÖZƏLBakıda əməliyyat edilən xəstə həkim səhlənkarlığından dünyasını dəyişib. Unikal.org-un əldə etdyi məlumata görə, Mirməmməd Cavadzadə adına Respublika Klinik Uroloji Xəstəxanasında əməliyyat olunan Laçın rayonundan məcburi köçkün Əlizamin adlı 28 yaşlı gənc qipospadiya (sidik kanalının tutulması) əməliyyatı olunub. Əməliyyatdan sonra xəstənin bir həftə qızdırması düşməyib. Onun qanına iltihab keçdiyi üçün dünyasını dəyişib. Həkimlər məsuliyyəti öz üzərlərindən atmaq üçün xəstənin yaxınlarına mərhumun ürəyində problem olduğu üçün dünyasını dəyişib. Məlum olub ki, mərhum xəstəxananın uşaq şöbəsində professor Eldar Hüseynov və oğlu Murad Hüseynov tərəfindən əməliyyat olunub. Həmin şöbədə isə 14 yaşına qədər uşaqların əməliyyat olunbmasına icazə var. Xəstənin yaxınlarının bildirdiyinə görə, əməliyyata görə xəstəxanaya 2000 manata yaxın pul ödənilib.

Baş vermiş hadisə ilə bağlı Sonxeber.az-a Səhiyyə Nazirliyinin mətbuat xidmətinin rəhbəri Səfayə Əhmədova məsələnin araşdırıldığını söyləyib:

"Hələ ki, heç bir söz deyə bilmərəm. Araşdırma aparılır, araşdırmalar bitdikdən sonra məlumat verə bilərəm".

Daha sonra Respublika Klinik Uroloji Xəstəxanasının uşaq şöbəsi ilə əlaqə saxladıq. Murad Hüseynov Sonxeber.az-a 28 yaşlı Əlizamin adlı gəncin ölüm səbəbi ilə bağlı açıqlama vermək istəmədiyini söylədi:

"Həkim səhlənkarlığı olmayıb. Ölüm kağızı var, xəstə nə üçün dünyasını dəyişdiyi qeyd olunub. Əlavə heç bir cavab vermək istəmirəm".

Gülnarə Eynullaqızı

Hadisə   Baxılıb: 3940   Tarix: 19 aprel 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR