10 min dollardan yuxarı kreditlərə güzəşt gözlənilir? – Ekspert FİKRİ

Bu gündən problemli kreditlər üzrə kompensasiyaların verilməsinə başlanılmalıdır. Bəs, görəsən, gələcəkdə 10 min dollardan yuxarı olan kreditlərə hər hansı güzəştlər gözlənilirmi?

Sonxeber.az-ın sualını cavablandıran iqtisadçı-ekspert Rəşad Həsənov verdiyi açıqlamada faktiki olaraq problemli kreditlərin həlli ilə bağlı fərman mütərəqqi addım olsa da, ancaq müəyyən nöqsanların olduğunu söyləyib.

Ekspertin sözlərinə görə, dövlət büdcəsi vəsaitləri hesabına maliyyələşən hər hansı proqramda bütün vətəndaşların hər hansı formada yararlanma imkanı olmalıdır:

"Ancaq 10 min dollara qədər kreditlərə güzəştin verilməsi ilə, 10 min dollardan yuxarı olan kreditlərə güzəştlərin verilməməsi bu istiqamətdə neqativ elementlərdən biri olaraq yadda qaldı. Əhalinin müəyyən bir qismi o proqramdan yararlana bilmədi. Bu kontekstdən məsələyə yanaşsaq düşünürəm ki, hökumətin növbəti addımlarında bu çatışmamazlıq aradan qaldırılacaq. Çünki burada vergi ödəyiciləri var, insanlar dövlət büdcəsinə vergi ödəyirlər. Dövlət büdcəsindən maliyyələşən hər hansı bir güzəştə dəstək kampaniyası olursa, insanların bərabər şəkildə bu kampaniyalardan yararlanma imkanı olmalıdır. Bizdə olan məlumatlara görə, hazırda 10 min dollardan yuxarı kreditlərə güzəştin verilməsi məsələsi müəyyən çevrələrdə müzakirə olunur. Amma güzəştin olması və ya olmaması, qərarın necə qəbul olunacağı hələlik bəlli deyil. Bu daha çox növbəti dövrlərdə hesablanmış xərclərin həcmindən asılı olacaq".

Gülnarə Eynullaqızı

Telegramda izləyin

instagramda izləyin