"Azərbaycanın ərazi bütövlüyü həll olunmadan..." - Deputatdan ETİRAZ

"Azərbaycanın ərazi bütövlüyü həll olunmadan Azərbaycan jurnalistlərinin Dağlıq Qarabağa, Ermənistana səfərinin təşkil edilməsi barədə təklfilər yolverilməzdir".

Sonxeber.az-ın məlumatına görə, bunu bu gün Milli Məclisin plenar iclasında millət vəkili Tahir Kərimli söyləyib.

T. Kərimli rəsmi şəxlər tərəfindən belə çağırışların qəbuledilməz və yolverilməz olduğunu vurğulayıb.

T. Kərimlinin çıxışına münasibət bildirən Milli Məclisin vitse-spiker Valeh Ələsgərov qeyd edib ki, Azərbaycanın ərazi bütövlüyü bərpa olunmalıdır.

V. Ələsgərovun sözlərinə görə, emosional çıxışlarla insanları qıcıqlandırmağa dəyməz:

"Real syiasətdən ibarət olan hər bir şəxs sözünə dəyər verməlidir. Ona görə də Tahir Kərimlinin iradını başa düşmədim. Biz Azərbaycanın ərazi bütövlüyünün bərpa olunması ilə bağlı mövqeyimizi bildiririk".

Qeyd edək ki, ATƏT Minsk Qrupunun həmsədrlərinin iştirakı vasitəçiliyi ilə Moskvada Ermənistan Xarici İşlər naziri ilə görüşdən sonra xarici işlər naziri Elmar Məmmədyarov jurnalistlərin Dağlıq Qarabağ və Ermənistana səfərinin təşkilinin mümkün olduğunu bildirmişdi.

Aysel Yusifqızı

Telegramda izləyin

instagramda izləyin