Əsrarəngiz turizm şəhərləri

Əsrarəngiz turizm şəhərləriƏn əsrarəngiz turizm şəhərləri – SİYAHI
Turistlərin ən çox axın etdiyi şəhərlərin ən çox tanınan şəhərlər olduğunu düşünürsünüzsə, yanılırsınız...
Bəlkə də, adlarını ilk dəfə eşidəcəyiniz bu şəhərlərdəki əhalinin sayı yaşadığınız şəhərin əhalisindən qat-qat artıqdır.
Oxu.Az xəbər verir ki, xaricə getmədən öncə bu siyahıya baxmağınız mütləqdir!
1. Yohannesburq, Cənubi Afrika
Cənubi Afrikanın ən böyük şəhəri olan Yohannesburq Afrika qitəsinin ən çox əhalisi olan üçüncü şəhəridir. 4,5 milyon əhalisi olan şəhərə ildə 4,8 milyon turist axın edir.
Yohannesburq muzeyləri, kazinoları, parkları, botanika bağları və safarisi ilə dünyada ən çox ziyarətçisi olan şəhərdir.
Əsrarəngiz turizm şəhərləri2. Berlin, Almaniya
Berlin ildə 5,1 milyon turist qarşılayır. Almaniyanın paytaxtı olan şəhərin əhalisi 3,47 milyon nəfərdir. 175 muzeyin yerləşdiyi Berlin dünyanın ən böyük açıq hava qalareyası – "East Side Gallery"yə sahibdir.
Əsrarəngiz turizm şəhərləri"East Side Gallery" Berlin divarının günümüzədək gəlib çıxmış ən uzun qalığıdır. Şəhərin gecə həyatı iddialıdır və turistləri maqnit kimi özünə çəkir.
3. Çennay, Hindistan
Mədəniyyəti, həyat tərzi və filmləri ilə başqa bir dünya olan Hindistanın dördüncü böyük şəhəri olan Çennay ildə 5,7 milyon turisti qonaq edir.
Əsrarəngiz turizm şəhərləriŞəhər ucsuz-bucaqsız okeanı və ovsunlayıcı məbədləri ilə ziyarətçilərinə həqiqi Hindistanı təqdim edir. Köhnə adı Mədrəs olan şəhəri ziyarət edənlər əhalinin standartlardan kənar həyat tərzi olduğunu bildirir. 
Digər tərəfdən çimərliklərinə görə də marağa səbəb olan şəhər yanvar ayında keçirilən "Pongal" festivalı və aprel ayında qeyd edilən "Çennay yeni ili"nə görə turistlərin diqqətini çəkir.
4. Madrid, İspaniya
Madrid ildə 5,5 milyon turist yola salır. Memarlıq möcüzəsi sayılan şəhərin tarix qoxan küçələri, ucsuz-bucaqsız parkları görənləri heyran edir. Şəhərdə bir-birindən məşhur 50 muzey var.
Əsrarəngiz turizm şəhərləriGecə həyatı ilə də populyar olan Madridin fərqli cazibəsi insanları cəlb edir. Maraqlı ləzzətlərə ev sahibliyi edən şəhər yeməkləri, içkiləri ilə turistlərə inanılmaz zövq yaşadır.
5. Praqa, Çexiya
Çexiyanın paytaxtı olan şəhər ildə 6,4 milyon turistin axın etdiyi yerdir.
"Dünyanın ən gözəl şəhəri", "Qızıl şəhər", "Nağıl şəhəri", "Avropanın qəlbi" kimi ünvanlara sahib şəhərin əhalisinin sayı 1,2 milyon nəfərdir.
Şəhərin bu qədər əsrarəngiz olmasının səbəbi II Dünya Müharibəsindən "sağ-salamat" çıxmasıdır.
Bütün tarixi binalar, evlər, saraylar olduğu kimi qalıb. Turistlər burada özlərini nağılın içində hiss edirlər.
Əsrarəngiz turizm şəhərləriXüsusilə şəhərə hakim olan barokko üslubundakı memarlıq (XVIII əsrdə meydana gələn Avropa sənətkarlığı), valehedici şəhər meydanları, əzəmətli kilsələri və gəzməyə hər zaman uyğun olan havası ilə 6,4 milyon turisti buraya cəlb edir.
/oxu.az

Turizm   Baxılıb: 818   Tarix: 30 aprel 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR