Dollar bahalaşacaqmı? - Ekspertdən açıqlama

Dollar bahalaşacaqmı? - Ekspertdən açıqlamaSon zamanlar ölkəmizdə dolların kursu dəyişməz olaraq qalır. Hazırda ABŞ dollarının rəsmi məzənnəsi 1,7000 manat təşkil edir. Qiymətin uzun müddətdir ki, stabil qalması, yenidən bahalaşacağı ilə bağlı suallar ortaya çıxarır.

Məsələ ilə bağlı big.az-a açıqlama verən iqtisadçı ekspert Akif Nəsirli bildirib ki, Azərbaycanda valyuta məzənnəsi dövlət tərəfindən tənzimlənir:

"Bu gün Azərbaycanda valyuta məzənnəsi hökumətin tənzimlənməsindən asılıdır. Ona görə də mən hesab etmirəm ki, yaxın vaxtlarda dollar bahalaşsın. Ümumiyyətlə, ilin sonuna qədər dolların bahalaşacağı, manatın dollar qarşısında ucuzlaşması gözlənilmir. Çünki buna səbəb olan amillər yoxdur. Bu amillər isə bir neçə haldan ibarətdir. Bildiyimiz kimi, manat Azərbaycan neftinin dünya bazarında qiymətindən və Azərbaycan hökumətinin valyuta ehtiyatlarından asılıdır. Hazırda neft 2013-2014-cü illərdəki kimi baha deyil, lakin ucuz da sayılmır. Digər tərəfdən isə, hökumətin valyuta ehtiyatları azalmır, aşağı sürətlə olsa da artır".

Ekspert həmçinin, manatın dolları üstələməsi üçün potensialın olduğunu da qeyd edib:

"Nəzərə alaq ki, manat hələ sərbəst dönərli valyuta deyil. Lakin, manatın dolları üstələməsi ehtimal edilə bilər. Yəni, bizim buna potensialımız var. Lakin bu potensialı reallaşdırmaq üçün ciddi addımlar atmaq, işləmək lazımdır. Hər bir valyutanın dəyəri onun ölkəsində istehsal olunan məhsulun dünyaya olan tələbatı ilə bağlıdır. Bu baxımdan götürdükdə nə zaman ki, manatın arxasında güclü istehsal dayanacaq , məhsulunu dünya bazarına çıxara bilən, rəqabət apara bilən sahibkarlar olacaq, o zaman manat öz sözünü deyə biləcək".

Afaq Rza

İqtisadiyyat   Baxılıb: 973   Tarix: 01 may 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR