"Rusiya bu regionda həll edici gücə malikdir: Moskva istəsə Dağlıq Qarabağ münaqişəsinin həlli…" – SENSASİON AÇIQLAMA

"Brüsseldəki Avropa Siyasəti Mərkəzinin eksperti Amanda Polun səsləndirdiyi fikirlər tamamilə doğrudur. Şimal qonşumuz son 250 il ərzində bizim tarixi torpaqlarımızda həmişə müxtəlif yerlərdən köçürmələr edib, erməniləri məskunlaşdırdı".

Bu sözləri Sonxeber.az-a millət vəkili Elman Məmmədov açıqlamasında deyib.

Millət vəkilinin sözlərinə görə, Rusiya keçən əsrin əvvəllərində torpaqlarımızda Ermənistan dövləti qurdu:

"Sovet dövründə də ermənilər müdafiə olunub qorundu. Keçən əsrin sonlarından növbəti dəfə Çar Rusiyasının sələfi olan, onun siyasətini davam etdirən Sovetlər İttifaqı havadarlıq edərək yenidən torpaqlarımızın bir hissəsini ermənilərə işğal etdirdilər. Tək Azərbaycana deyil, eləcə də bu gün Cənubi Qafqaza, regiona qeyri-qanuni nəzarət Rusiyanın əlindədir. Rusiya bu regionda həll edici gücə malikdir".

Elman Məmmədov qeyd edib ki, Ermənistanı silahlandıran, müdafiə edib qoruyan Rusiyadır:

"Bu da gizli deyil. Rusiya ilə qonşu kimi yüksək səviyyədə əlaqələrimiz var, dostluq, əməkdaşlıq, tərəfdaşlıq edirik. Bütün sahələrdə ən yaxın münasibətlərdəyik, ancaq buna baxmayaraq, Ermənistanı qorumaq siyasəti hələ də davam edir. Rusiyanın böyük ordusu Ermənistanda yerləşib. Ermənistanın hava limanı da Rusiya tərəfindən qorunur. Moskva həqiqtən istəsə ki, Qarabağ münaqişəsi həll olunsun, o zaman heç bir qüvvə ona mane ola bilməyəcək. Moskva hər zaman münaqişənin həll olunmasını və Azərbaycanın ərazi bütövlüyünü tanıdığını deyir. Lakin Dağlıq Qarabağ məsələsinin həllinə gələndə, fikirlər haçalanır. Sözlər başqa cür deyilir, əməllərsə başqa cür".

Qeyd edək ki, Brüsseldəki Avropa Siyasəti Mərkəzinin eksperti Amanda Pol Report-a aaçıqlamasında deyib ki, Azərbaycan və Ermənistanın xarici işlər nazirləri, eləcə də liderləri arasında keçirilən görüşlər müsbət addımdır və Dağlıq Qarabağ münaqişəsinin həlli məsələsində "yeni nikbinlik" üçün əsas olub".

Dağlıq Qarabağ münaqişəsinin həlli üçün qlobal qüvvələrinin səyləri və təsirləri barədə danışan A.Pol vurğulayıb ki, hazırda həlledici söz Moskvadadır: "Donald Tramp (ABŞ Prezidenti - red.) bu regionu unudub. O, başqa şeylərlə maraqlanır, məsələn, İranla mübarizə aparır. Rusiya üçün isə Cənubi Qafqaz regionu əsas prioritetdir".

Gülnarə Eynullaqızı

Telegramda izləyin

instagramda izləyin