Aİ və Azərbaycan tezliklə bu sazişi imzalamalıdır - Səfir DANIŞDI

Azərbaycanla Avropa İttifaqı (Aİ) arasında nəqliyyat sahəsində əməkdaşlığın genişləndirilməsi üçün tez bir zamanda aviasiya sazişi imzalanmalıdır.

Sonxeber.az xəbər verir ki, bunu Trend-ə Aİ-nin Azərbaycandakı səfiri Kestutis Yankauskas deyib.

O bildirib ki, həmin saziş həm Aİ, həm də Azərbaycan üçün eyni dərəcədə sərfəlidir:

"Aviasiya sazişi Azərbaycanın növbəti böyük layihəsi olan regional nəqliyyat qovşağı layihəsinin reallaşdırılması çərçivəsində ayrılmaz hissədir".

Səfir əlavə edib ki, bu ildən Azərbaycanla nəqliyyatla bağlı yüksək səviyyəli danışıqlar başlayıb.

K.Yankauskasın sözlərinə görə, hazırda Aİ ilə Azərbaycan arasında strateji tərəfdaşlıq barədə yeni saziş üzrə danışıqlar davam etdirilir:

"Ticarət məsələləri ilə bağlı danışıqların son mərhələsindən sonra bir neçə videokonfransımız olub. İş davam edir. Sazişin tez bir zamanda imzalanması üçün mümkün olan işlər yerinə yetirilməlidir".

Telegramda izləyin

instagramda izləyin