Xələf Xələfov: "Ölkə rəhbəri tərəfindən çox böyük etimad göstərilib" – MÜSAHİBƏ

Xələf Xələfov: "Ölkə rəhbəri tərəfindən çox böyük etimad göstərilib" – MÜSAHİBƏ"Sual-Cavab" layihəsinin qonağı yenidən Xarici İşlər nazirinin müavini vəzifəsinə təyin olunan Xələf Xələfovdur. O, 2018-ci ilin dekabr ayında Azərbaycan Respublikası Nazirlər Kabineti Aparatının rəhbər vəzifəsinə təyin olunub. 2019-cu il mayın 3-də isə, Prezidentin sərəncamı ilə yenidən Xarici İşlər nazirinin müavini vəzifəsinə təyin olunub. Eyni zamanda X. Xələfova dövlət başçısının digər sərəncamı ilə Prezidentin sərhəd və Xəzər dənizi məsələləri üzrə xüsusi nümayəndəsi vəzifəsi həvalə olunub.

Sonxeber.az nazir müavini postuna təyin olunan Xələf Xələfovun müsahibəsini təqdim edir:

- Xələf müəllim, öncə Sizi yenidən Xarici İşlər nazirinin müavini vəzifəsinə təyin edildiyinizə görə təbrik edirik. Təyinatınız gözlənilməz oldu. Özünüz bu haqda nə deyə bilərsiniz?

- Bu təyinata görə cənab Prezidentə minnətdaram. Ölkə rəhbəri tərəfindən çox böyük etimad göstərilib. Bu etimadı doğrultmaq üçün bütün səy və imkanlarımı səfərbər edəcəyəm.

Dövlət məmurlarının harada daha çox faydalı ola biləcəyini...

- Artıq vəzifənizi icra edirsiniz. Sizcə, hansı səbəblər bu təyinatı şərtləndirdi?

- Bu təyinat ölkə rəhbərinin qərarıdır. Dövlət məmurlarının harada daha çox faydalı ola biləcəyini dövlət başçısı özü müəyyən edir.

Xələf Xələfov: "Ölkə rəhbəri tərəfindən çox böyük etimad göstərilib" – MÜSAHİBƏ- Son həftələrdə sərhədlərin delimitasiyası ilə bağlı Gürcüstandan verilən bəyanatları necə qiymətləndirirsiniz? Bu məsələnin hər iki tərəfi qane edəcək həlli yolu nədən ibarətdir?

- Dövlət sərhədinin delimitasiyası uzun və həssas prosesdir. İctimai müzakirə, xüsusilə də emosional xarakterli bəyanatlar, məsələnin həllinə köməklik göstərmir və tərəflərin maraqlarına cavab vermir. Qeyd olunan məsələ hüquqi müstəvidə həll olunmalıdır. Gürcüstan-Azərbaycan münasibətləri strateji xarakter daşıyır. Regionda həyata keçirilən əməkdaşlıq Gürcüstan və Azərbaycanın strateji tərəfdaşlığına söykənir. Ümid edirəm ki, bu kontekstdə hökumətlərimiz arasında mövcud qarşılıqlı anlaşma və sıx əməkdaşlıq həllini gözləyən məsələlərin tənzimlənməsini təmin edəcəkdir.

Xəzər dənizinin hüquqi statusu haqqında Konvensiyanın imzalanması…

- Ölkəmiz üçün Xəzər dənizinin hüquqi statusu haqqında Konvensiyası mühüm əhəmiyyət kəsb edən sənəddir. Bu haqda fikirlərinizi bilmək istərdim...

- Xəzər dənizinin hüquqi statusu haqqında Konvensiyanın imzalanması regionumuz və ölkəmiz üçün birmənalı olaraq mühüm addımdır. Bu sənəd fundamental hüquqi baza rolunu oynamaqla, Xəzəryanı dövlətlər arasında sahəvi əməkdaşlıq üçün çərçivə formalaşdırır. Konvensiyanın imzalanması sahilyanı dövlətlər arasında münasibətlərin keyfiyyətcə yeni mərhələyə qədəm qoyduğunu nümayiş etdirir. Bu baxımdan, sənəd ölkəmizin müstəqilliyinə və Xəzər dənizində suveren hüquqlarının təsbitinə əhəmiyyətli dərəcədə töhfə verir.

Xələf Xələfov: "Ölkə rəhbəri tərəfindən çox böyük etimad göstərilib" – MÜSAHİBƏ- Xəzərlə bağlı bütün məsələlərinin həlli üçün daha nələr etmək lazımdır?

- Hal-hazırda Xəzəryanı dövlətlər arasında ikitərəfli və çoxtərəfli danışıqlar formatı mövcuddur. Azərbaycan bu çərçivədə öz səylərini davam etdirir. Beştərəfli formatda Konvensiyadan irəli gələn məsələlərin həlli üçün Yüksək Səviyyəli İşçi Qrupun Bakıda və Nur-Sultanda iki iclası keçirilib. Həmin iclaslar çərçivəsində tərəflər arasında Xəzər dənizində müxtəlif aspektlər üzrə əməkdaşlıq və Xəzəryanı Dövlətlərin, Dövlət Başçılarının Beşinci Zirvə Toplantısında əldə olunmuş razılaşmaların həyata keçirilməsi barədə fikir mübadiləsi aparılıb. İkitərəfli formatda Türkmənistan və İranla Xəzər dənizinin dibinin bölünməsi ilə bağlı məsləhətləşmələr davam etdirilir. Hazırda davam edən danışıqlar və proseslər ölkəmiz və regionumuz üçün müsbət nəticələrin əldə edilməsinə yönəlib.

Gülnarə Eynullaqızı

Siyasət   Baxılıb: 1673   Tarix: 08 may 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR