"Tez ol, telefonu ver, yoxsa..." - Azərbaycanda DƏHŞƏTLİ NAMUS QƏTLİ

"Tez ol, telefonu ver, yoxsa..." - Azərbaycanda DƏHŞƏTLİ NAMUS QƏTLİAilə-məişət zəminində baş verən daha bir qətl hadisəsi məhkəmədə araşdırılıb. Bu dəfə müttəhimlər kürsüsündə qadın əyləşib. Ər-arvad arasındakı növbəti mübahisəyə mobil telefon səbəb olub. Həyat yoldaşını qısqanan 31 yaşlı Maarif ondan telefon işlətməməsini tələb edib. Vüsalə isə ərinin tələbi ilə razılaşmayıb və bıçaqla onu ürəyindən vurub.

Bakı Ağır Cinayətlər Məhkəməsində həyat yoldaşını qətlə yetirməkdə ittiham olunan 31 yaşlı Xaçmaz rayon sakini Vüsalə Mirzəyevanın cinayət işi üzrə məhkəmə istintaqı yekunlaşıb.

Sonxeber.az məlumat verir ki, Virtualaz.org-un xəbərinə görə, qətl hadisəsi ötən il iyulun 3-də Xaçmaz rayonunun Xudat şəhərində baş verib.

Vüsalə Mirzəyeva həyat yoldaşı Maarif Osmanovla ailə münaqişəsi zəminində mübahisə edib. Ər-arvad arasındakı insident qansız ötüşməyib. Dava-dalaş zamanı V.Mirzəyeva bıçaqla ərinin döş qəfəsindən zərbə endirib. Ağır dərəcəli bədən xəsarəti almış yaralı xəstəxanaya aparılarkən yolda ölüb.

Törətdiyi cinayət əməlinə görə V.Mirzəyeva barəsində cinayət işi başlanıb və Xaçmaz rayon məhkəməsinin qərarı ilə 4 aylıq həbs qətimkan tədbiri seçilib.

İstintaq yolu ilə müəyyən edilib ki, son zamanlar Vüsalə ilə həyat yoldaşı Maarif Osmanov arasında mütəmadi olaraq qısqanclıq zəminində mübahisələr yaranıb. Sonuncu belə hadisə isə ötən ilin iyulunda baş verib. Həyat yoldaşının ona məxsus telefonu əlindən almasından qəzəblənən qadın bıçaqla ona zərbə endirib.

Təqsirləndirilən Vüsalə Mirzəyeva ifadəsində qonşusu Maariflə 13 ildir ailə həyatı qurduğunu, ərinin ailə üzvləri ilə eyni həyətdə, lakin başqa-başqa evlərdə yaşadıqlarını, övladları olmadığını, bacısının uşağını övladlığa götürüb saxladıqlarını deyib.

V.Mirzəyevanın ifadəsinə inansaq, Maarif xasiyyətcə sakit, söz-söhbətdən uzaq bir insan olub. Buna baxmayaraq, Vüsaləni hamıya, hətta öz doğma qardaşlarına belə qısqanıb. Maarif evdə olmayanda doğma qardaşları belə onun mənzilinə ayaq basmayıblar:

"Ailəmizdəki münaqişələri həmişə qayınanam qızışdırırdı. Övladım olmadığına görə bizi ayırmaq istəyirdi. Amma ərim məni sevirdi, ailə üzvlərinin yanında müdafiə edirdi. Söz-söhbətdən bezib, iyun ayında Bakıya getdim, kirayə ev tutdum, on günə kimi orada qalıb Xətai klinikasında müalicə aldım".

V.Mirzəyeva deyib ki, rayona qayıtdıqdan sonra qayınanası onun gününü qara eləyib, Bakıya əxlaqsızlıqla məşğul olmaq üçün getməkdə suçlayıb. Öz növbəsində, Vüsalə qayınanasına uzun illərdən bəri onu tanıdığını, namaz qıldığını, hicablı qadın olduğunu söyləsə də, xeyri olmayıb:

"Qayınanam mənə əxlaqsız damğası vurmağa çalışırdı. Həyatdan bezmişdim. Bircə ərimə və 8 yaşlı qızıma görə səbr edib dözürdüm. Fikirləşirdim ki, bəlkə nə vaxtsa hər şey yoluna düşər, düzələr, bu söz-söhbətlərə son qoyular".

Qətl hadisəsindən bir gün öncə Vüsalə ərinə zəng vuraraq rəfiqəsi Zümrüdün zəhərləndiyini, xəstəxanaya düşdüyünü, ona baş çəkmək üçün yanına getmək istədiyini deyib. M.Osmanov arvadına rəfiqəsigilə getməyə icazə versə də, axşam evə qayıtmağı tapşırıb.

Vüsalə qızını da götürüb rəfiqəsigilə gedib. Həmin gün rəfiqəsi Vüsalədən gecəni onlarda qalmasını xahiş edib. Faciənin baş verməsinə əsas səbəblərdən biri də Vüsalənin evdə gecələməməsi olub:

"Maarif əvvəl razılaşmadı. Sonra özü zəng vurub dedi ki, qal. Gecə qızımla Zümrüdgüldə qaldım. Evə qayıdandan sonra Maarif Zümrüdgildə qaldığıma görə mənə acıqlandı, aramızda dava-dalaş düşdü. Mobil telefonumu əlimdən aldı, dedi ki, gəl bundan sonra ikimiz də telefon işlətməyək, beləsi daha yaxşıdır. Dedim, bu dövrdə telefonsuz necə yaşamaq olar, telefon sənə də, mənə də lazımdır. Bu vaxt qayınanam gəlib çıxdı. Onu görüb daha da əsəbiləşdim. Əsəblərimi cilovlaya bilmirdim. Hər şeydən bezmişdim".

V.Mirzəyeva ifadəsinin davamında ərini necə öldürməsindən danışıb:

"Gördüm ki, bütün bunların axırı yoxdur, ərim də mənə qarşıdır, inanmır. Ona görə də, mətbəxdən bıçaq götürüb həyətə çıxdım. Üzbəüz mübahisə etdik. Bıçaqla Maarifi vurdum. Əlini sinəsinə tutanda anladım ki, bıçaq ürəyinə dəyib. "Vüsalə, məni vurdun" deyib çınqıllığın üstünə yıxıldı. Özümü itirmişdim, qanaxmasını saxlamağa çalışırdım, ağlayırdım. Maarifi xəstəxanaya apardılar. Həyəcanlı idim, xalamgilə getdim. Bir qədər sonra polis gəldi".

Zərərçəkmiş Zakir Osmanov ifadəsində deyib ki, qardaşı Maarifgilin evindən qışqırıq səsləri gəldiyini eşidib, hasardan boylandıqda ər-arvadın dalaşmasının şahidi olub:

"Vüsalə ərinə "tez ol, telefonu ver, yoxsa elə yerindən vuraram, birdəfəlik olarsan" deyirdi. Bu vaxt qəflətən bıçaqla Maarifi vurdu. Bunu görüb yerimdəcə donub qalmışdım. Davanın bu həddə çatacağını gözləmirdim. Hasardan tullanıb qardaşımı qucağıma aldım.

Anam Maarifi yerdə görəndə elə bil dəli oldu, qışqırıb küçəyə qaçdı, köməyə adam çağırmağa başladı. Vüsalə vedrəylə su gətirib Maarifin üstünə tökdü. Sinəsinə dəsmal sıxdım ki, qan axmasın. Qonşunun maşını ilə qardaşımı xəstəxanaya apardıq. Həkim müayinə edəndə öldüyünü dedi".

Zərərçəkmiş deyib ki, qardaşının ailəsində söz-söhbət hər zaman qısqanclıq üstündə yaranıb. Mərhum qardaşı öz arvadını hamıya qısqanıb:

"Maarif çox qısqanc idi. Arvadı evdə olanda evə öz qardaşlarını da buraxmırdı. Bütün mübahisələri də buna görə olurdu. Mən Vüsaləni kiminləsə danışanda, görüşəndə görməmişəm. Belə söhbətlər haqda aralarında dava-dalaş baş verəndə eşitmişəm. Maarif məni öz həyətinə gəlməyə qoymurdu".

Məhkəmənin hökmü ilə Vüsalə Mirzəyeva 11 il müddətinə azadlıqdan məhrum edilib.


Sonxeber.az Telegramda izləyin
Kriminal   Baxılıb: 2222   Tarix: 13 may 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Polisdən 5 rayonda ƏMƏLİYYAT: Həbs olunanlar var

Polis əməkdaşlarının mayın 10-da keçirdikləri əməliyyat-axtarış tədbirləri nəticəsində külli miqdarda müxtəlif növ narkotik vasitə qanunsuz dövriyyədən çıxarılıb.. . ​Daxili İşlər Nazirliyinin mətbuat xidmətindən Sonxeber.az-a verilən məlumata görə, Sabunçu rayon Polis İdarəsinin 13-cü polis bölməs

11 may 2019

Azərbaycanda narkotik satan keçmiş məhkum ələ keçdi

Quba Rayon Polis Şöbəsinin (RPŞ) əməkdaşları narkotik vasitələrin qanunsuz dövriyyəsi ilə məşğul olmaqda şübhəli bilinən rayon sakinini saxlayıblar.. . Daxili İşlər Nazirliyinin Mətbuat Xidmətinin Quba regional qrupundan Sonxeber.az -a verilən məlumata görə, saxlanılan şəxs rayonun Birinci Nügədi kən

11 may 2019

Mahmudovun zərərçəkənindən şikayət - 320 min manatlıq iddia

Ləğv edilmiş Milli Təhlükəsizlik Nazirliyinin vəzifəli şəxslərinin qanunsuz əməlləri ilə üzləşən iş adamı Zaur Əzimovun apelyasiya şikayəti üzrə məhkəmə prosesi başlayıb.. . Teleqraf.com xəbər verir ki, Bakı Apelyasiya Məhkəməsində hakim Həsən Əhmədovun sədrliyi ilə baş tutan prosesdə təqsirləndirilə

11 may 2019

Bakıda öldürülən kriminal avtoritetlə bağlı YENİ FAKTLAR

Hər adam özünü avtoritet adlandıran kimi o avtoritet olmur ki! "Samozvanets" deyirlər onlara.. . Bakının Binəqədi rayonunda son illərin ən qəddar qətllərindən biri törədilib. 6-cı mikrorayon ərazisində yerləşən İsrafil Həşimov küçəsində, təxminən gecə saat 2 radələrində Masallı sakini, 1988-c

11 may 2019

İŞİD-ə qoşulan azərbaycanlı bəraət istədi – SON QƏRAR

İŞİD və digər terror təşkilatlarının tərkibində döyüşməkdə təqsirləndirilən Azərbaycan vətəndaşı Nicat Əhmədovun barəsində olan hökmdən verilmiş kasasiya şikayəti üzrə məhkəmə prosesi başa çatıb.. . Ali Məhkəmədə hakim Fərhad Kərimovun sədrliyi ilə keçirilən prosesdə qərar elan olunub.. . Nicat Əhmədovu

11 may 2019

Prokuror Uşaq Birliyi sədrindən şikayət verdi – AĞIR CƏZA TƏLƏBİ

Dələduzluq, rüşvət vermə, rüşvətə təhrik və digər cinayətlərdə ittiham olunan "Azərbaycan Uşaqları" İctimai Birliyinin sədri Kəmalə Ağazadənin cəzasının ağırlaşdırılması barədə prokuror protest verib.. . Prokuror protestində Kəmalə Ağazadənin barəsində olan hökmün ləğvini və onun həbs olunmasın

11 may 2019

Bakıda öldürülən "Emil 444"ün qətlinin - TƏFƏRRÜATI

Bakı şəhər Binəqədi rayonu, 6-cı mikrorayonun İsrafil Həşimov küçəsində bıçaqlanma hadisəsi qeydə alınıb. . . Sonxeber.az ONA-ya istinadla xəbər verir ki, mübahisə zəminində baş verən hadisə nəticəsində naməlum şəxs tərəfindən iki nəfər bıçaqlanıb. . . İlkin məlumata görə, 1958-ci il təvəllüdlü Yusifo

10 may 2019

Bakıda 85 yaşlı kişini öldürənin "zek"ə AĞIR CƏZA

Bakıda 85 yaşlı kişini qətlə yetirməkdə ittiham olunan Sakit Mirzəyevin cinayət işi üzrə məhkəmə prosesi başa çatıb.. . Bu gün Bakı Ağır Cinayətlər Məhkəməsində hakim Əliövsət Abbasovun sədrliyi ilə baş tutan prosesdə təqsirləndirilən şəxsə hökm oxunub.. . Sakit Mirzəyev 18 il müddətinə azadlıqdan məhru

10 may 2019

Bakıda bu sözə görə adam ÖLDÜRÜLDÜ: "O qız arvadımdır deyərsən..."

Bakıda qəsdən adam öldürməkdə təqsirləndirilən 1981-ci il təvəllüdlü Bəxtiyar Əhmədovun cinayət işi üzrə məhkəmə prosesi başa çatıb.. . Bu gün Bakı Ağır Cinayətlər Məhkəməsində hakim Mirzə Xankişiyevin sədrliyi ilə baş tutan prosesdə prosesdə hökm oxunub.. . Bəxtiyar Əhmədov 15 il azadlıqdan məhrum edilib.

10 may 2019