"Emin 444"ü qətlə yetirən Həsən Tağıyevin EKSKLÜZİV FOTOLARI

Xəbər verdiyimiz kimi, mayın 9-da saat 23 radələrində Binəqədi rayonunun 6-cı mikrorayon ərazisində İ.Həşimov küçəsində Şərur rayon sakini, əvvəllər məhkum olunmuş Həsən Tağıyev münaqişə zəminində Bakı şəhər sakini, əvvəllər məhkum olunmuş Emin Səfərova bıçaqla xəsarət yetirib.

Sonxeber.az Emin Səfərovu qətlə yetirən Şərur rayon sakini, əvvəllər məhkum olunmuş Həsən Mərdan oğlu Tağıyevlə bağlı araşdırmalara başlayıb. Araşdırmalar nəticəsində məlum olub ki, Həsən Tağıyev 6-cı mikrorayonda kikboksçu Zaur Əli oğlu Yusifovun adamı kimi tanınıb. Onu həmişə iş dalınca göndəriblər. Yəni bu cinayət Həsən Tağıyevin təşəbbüsü ilə törədilməyib. Eyni zamanda H. Tağıyevin fotolarını da əldə etdik.

Qeyd edək ki, Bakının Binəqədi rayonunda baş vermiş son illərin ən qəddar qətlinin təfərrüatları bəlli olub. "Emin 444" ləqəbi ilə tanınan Masallı sakini, 1988-ci il təvəllüdlü Emin Ehtiram oğlu Səfərovun qətlində 1 nəfər deyil, 6 nəfər iştirak edib, qətldə bir neçə bıçaqdan istifadə olunması da bunu təsdiqləyən məqamlardandır.Mərhumun xalası oğlu Royal Əkbərov "Yeni Müsavat" əməkdaşına bildirib ki, qətllə bağlı həbs olunan 1995-ci il təvəllüdlü Həsən Mərdan oğlu Tağıyev qanlı cinayətin iştirakçısı olsa da, onunla Emin Səfərov arasında əvvəllər hər hansı bir mübahisə olmadığını, cinayəti planlaşdıran, təşkilatçısı Zaur Yusifov adlı şəxsin, Eminin hadisədən əvvəl onunla dəfələrlə mübahisəsi olduğunu açıqlayıb.

Bakının Binəqədi rayonunda dava zamanı avtomobilində qətlə yetirilən Səfərov Emin Ehtiram oğlu ("Emin 444") krminal aləmin üzvü olub. "BMW X5" markalı 99 XE 444 nömrəli avtomobili Emin Səfərovun öz adında olub.

Fotoları təqdim edirik:

Gülnarə Eynullaqızı

Telegramda izləyin

instagramda izləyin