"O ailələri cəmiyyətə tanıtmaq lazımdır" - Komitə sədri DANIŞDI

"O ailələri cəmiyyətə tanıtmaq lazımdır" - Komitə sədri DANIŞDIAzərbaycanda kifayət qədər gözəl ailələr var və onları cəmiyyətə tanıtmaq lazımdır.

Sonxeber.az bildirir ki, bunu Trend-ə "Beynəlxalq Ailə günü"nə həsr edilmiş "Ailə dəyərlərinin möhkəmləndirilməsi cəmiyyətin mənəvi sağlamlığının əsasıdır" adlı konfransda çıxış edən Ailə, Qadın və Uşaq Problemləri üzrə Dövlət Komitəsinin sədri Hicran Hüseynova deyib.

Komitə sədrinin sözlərinə görə, Azərbaycanda çox gözəl ailə modeli var:

"Biz çalışırıq ki, ölkəmizdə sağlam, təhsilli ailələr olsun. Ancaq dünyada gedən proseslərdən Azərbaycan kənarda qala bilməz. Həm müsbət, həm də mənfi baxımdan müəyyən təsirlər olur. Azərbaycanda da müəyyən problemlər mövcuddur, amma dövlət siyasətinin əsasında bu problemləri vaxtında həll etmək dayanır".

H.Hüseynova əlavə edib ki, bu gün komitə tərəfindən Azərbaycanda ailə məsələləri ilə bağlı geniş maarifləndirmə işləri aparılır: "Çox vacibdir ki, biz cəmiyyətə gözəl ailələri təqdim edək. Bu gün Azərbaycanda kifayət qədər belə ailələr var. Biz onları niyə təbliğ etməməliyik?!"

Sosial   Baxılıb: 365   Tarix: 15 may 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR