İcra Hakimiyyətindən restoran müdirinin əhaliyə qadağası ilə bağlı CAVAB

İcra Hakimiyyətindən restoran müdirinin əhaliyə qadağası ilə bağlı CAVABBiləcəri qəsəbəsində dəmiryol vağzalının ətrafındakı parkda yerləşən restoranlardan birinin müdiri parka xüsusi löhvə qoyaraq, əhaliyə parkın restorana yaxın olan ərazisində gəzməyi qadağan edib.

Sonxeber.az-a Binəqədi Rayon İcra Hakimiyyətindən daxil olan məlumata görə, yaranmış narahatçılığın aradan qaldırılması ilə bağlı artıq müvafiq tədbirlər görülür:

"Qeyd olunan qəsəbənin aidiyyatı nümayəndəliyinə artıq məlumat verilib. Qəsəbə nümayəndəliyi həmin sahibkarla danışıb. Əhalinin narahatçılığına səbəb olan problem qısa zaman ərzində aradan qaldırılacaq".

Qeyd edək ki, bu haqda jurnalist Məhəmmədəli Qəribli şəxsi Feysbuk hesabında yazıb. Onun sözlərinə görə, həmin plakatın fotosunu vətəndaşlar göndəriblər:

"Bizdən xahiş edirlər ki, restoran müdirinin bu harınlığını ictimailəşdirək. Hələlik bu qadağanı tətbiq edən restoranın adını dəqiqləşdirə bilməmişik"

Gülnarə Eynullaqızı

Sosial   Baxılıb: 5627   Tarix: 20 may 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR