Erməni girovluğunda olan Dilqəmin oğlu icra başçısı ilə görüşündən DANIŞDI

Erməni girovluğunda olan Dilqəmin oğlu icra başçısı ilə görüşündən DANIŞDIŞəmkir rayon icra başçısı Alimpaşa Məmmədov erməni girovluğunda olan Dilqəm Əsgərovun oğlu Kürdoğlu Əsgərova məxsus torpaq sahəsi ilə bağlı yaranmış problemə aydınlıq gətirmək üçün onu qəbul edib.

Bu haqda Sonxeber.az-a Kürdoğlu Əsgərov özü məlumat verib.

O bildirib ki, 5 il bundan qabaq icarəyə götürdüyü torpaq sahəsinin müqaviləsinin vaxtı qurtarmaq üzrədir:

"Bu ilin may ayında 5 illik icarəyə götürdüyüm torpağın müqavilə müddəti bitir. Mənə məxsus olan torpağın müqavilə müddətinin artırılmasını istəyirəm. Dünən Şəmkir Rayon İcra Hakimiyyətinin icra başçısı Alimpaşa Məmmədov məni qəbul etdi. Hətta görüşümüz başçının evində baş tutdu. Başçı mənim problemlərimlə maraqlandı. Məndə bildirdim ki, heç bir problemim yoxdur. Yalnız torpağın müqaviləsinin artırılmasını istəyirəm. O, mənə söz verdi ki, rəsmi qaydada aidiyyatı dövlət qurumlarına müraciət edəcək. Qaydalara əsasən sənədləri mənim adıma rəsmiləşməsinə yardımcı olacaq".

Qeyd edək ki, Kürdoğlu Əsgərov modern.az-a bildirib ki, 5 il bundan qabaq icarəyə götürdüyü torpaq sahəsinin müqaviləsinin vaxtı qurtarmaq üzrədir. O, qeyd edib ki, buna görə dəfələrlə müraciət etsə də, icra hakimiyyəti müqaviləni yeniləmir:

"Məqsədləri isə budur ki, mənə məxsus ərazini türk şirkətlərinə külli miqdarda vəsait qarşılığında satsınlar. Aidiyyatı dövlət qurumlarından xahiş edirəm ki, bu məsələyə münasibət bildirsinlər. Şəmkir rayon icra başçısına yerini bildirsinlər ki, mənim atam Dilqəm Əsgərov bu vətən uğrunda canlı-canlı çürüyərkən icra başçısı mənim torpağımı əlimdən alır".

Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər. Digər Azərbaycan vətəndaşı Həsən Həsənov isə güllələnərək öldürülüb.
Həsənovun meyiti düşməndən alınaraq Bakıda dəfn edilib.

Separatçı Dağlıq Qarabağ rejiminin qondarma "məhkəməsi" ötən il dekabrın 19-da D. Əsgərovun ömürlük, Ş. Quliyevin isə 22 il müddətinə azadlıqdan məhrum edilməsi barədə qərar çıxarıb.

"Apellyasiya Məhkəməsi" bu qərarı qüvvədə saxlayıb.

Gülnarə Eynullaqızı

Sosial   Baxılıb: 1014   Tarix: 20 may 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR