"İki saat sonra atamın meyitini gətirdilər, bibim də məni Rusiyaya aparıb..." - Şəhid qızından ÜRƏKDAĞLAYAN SÖZLƏR - FOTOLAR

Azərbaycanda həyat yoldaşı Qarabağ döyüşlərində şəhid olan qadın qaynanası və baldızları tərəfindən küçəyə atılıb.

Sonxeber.az xəbər verir ki, Xəzər televiziyasında yayımlanan "Səni axtarıram" verilişinin aparıcısı Xoşqədəm Hidayətqızına qızı Xəyalənin axtarışı üçün müraciət edən Firəngiz həyat yoldaşı şəhid olduqdan 3 gün sonra körpələri ilə birlikdə küçəyə atıldığını söyləyib.

Qadının sözlərinə görə, baldızları onu aldadıb Xəyaləni Rusiyaya aparıblar:
"Mən qızımı istəyirəm. Baldızlarım 20 ildir ki, qızımla danışmağa icazə vermirlər. Məndən qızımı qaytarmaqçün pul tələb edirlər".

Daha sonra Firəngizin qızı Xəyalə atasının Qarabağ döyüşlərində şəhid olduğunu qeyd edib:

"Atam Qarabağda gedən döyüşlərdə şəhid olub. O, Qarabağa gedəndə gəlib bizə dedi ki, döyüşə gedir. Bir müddət sonra atamın yaralandığını eşitdik. Anam qara libasını geyinib çölə çıxdı. Mən o zaman uşaq idim, qara paltarın nə olduğunu anlamırdım. İki saat sonra atamın meyitini gətirdilər".

Xəyalə anasının sözlərini təsdiq edərək, bibiləri tərəfindən aldadıldığını etiraf edib:

"Atam şəhid olanda mənim 14 yaşım var idi. Bibim anamı da, məni də aldadıb özü ilə Rusiyaya apardı. Ancaq bibimə dedim ki, "səninlə gətsəm də, iki aydan sonra geri qayıdacağam. O da razılaşdı. Məni Rusiyada idman zalında işə düzəltdilər. Bir müddət sonra idman zalında işləyən qızın telefonu oğurlandı. Oğurluğu mənim üstümə atdılar. Lakin kameralara baxandan sonra mənim etmədiyimi gördülər. Ancaq bibim mənimlə oğru kimi davranırdı. Bibimin kinayəli sözlərindən, hərəkətlərindən bezib evdən qaçdım. Özümdən balaca oğlanla tanış oldum. Bir müddət onunla irlikdə yaşadıq. O oğlandan iki qızım var. Oğlanın ailəsi ondan böyük olduğumu öyrənəndən sonra bizi ayırdı. İndi də iki azyaşlı uşaqla çöllərdə qalmışam. Bibilərim də sənədlərimi vermir. Mən Bakıya anamın yanına qayıtmaq istəyirəm".

Gülnarə Eynullaqızı

Telegramda izləyin

instagramda izləyin