"Əmi, dayı, tanışlıqla seçilən aktyorlar..." - Afaq Bəşirqızı

"Özümə söz vermişəm ki, bunu etməliyəm: Gənc aktyorlara xüsusi diqqət ayırmaq və qayğısına qalmaq lazımdır. Müəyyən seriallardan xəbərim var. Mütəmadi baxmıram. Vaxtım azdır. Ümidverici aktyorlarımız var".

Bu sözləri Xalq artisti Afaq Bəşirqızı "Şou news"a açıqlamasında deyib. Aktrisa gənc aktyorlara dəstək olmaqdan danışıb. O bildirib ki, sənətə yeni gələnləri tənqid etmək yanlışdır:

"Güclü sel özündən əvvəl çör-çöp gətirir. Serial işi də bizdə yeni başlayıb. Daha yaxşı olacaq. İstedadın qlobal problemi olmamalıdır. Fikri evində qalmamalıdır ki, görəsən, filan problemim həll oldu? İstedad yaradıcı, gələcək, mədəniyyətin qurucusu deməkdir.

"Əvvəlkilərə çatan olmaz", ən asan sözdür. Özüm gözümlə gördüyümə, qulağımla eşitdiyimə daha çox inanıram. İstedadı pərt etmək olmaz. Bizim borcumuzdur, gənclərin qayğısına qalmaq. Əmi, dayı, dost, arxa ilə seçilən aktyorlarla istedadı olanları ayırmaq lazımdır. Sanbal hər zaman olmalıdır".

Telegramda izləyin

instagramda izləyin