Heç vaxt belə üzülməmişdim - Mahir Əmrəli

Nəticəyə çox üzüldüm. Bəlkə də heç vaxt belə üzülməmişdim. Alınmadı. Amma ruhdan düşmək də lazım deyil. Qarşıda Slovakiya ilə oyuna hazırlaşmaq lazımdır.

Sonxeber.az teleqraf.com-a istinadən bildirir ki, bu sözləri millimizin hücumçusu Mahir Əmrəli AÇ-2020-nin seçmə mərhələsində Macarıstana 1:3 hesabı ilə uduzduqları oyunu şərh edərkən deyib.

O, üçüncü qolu tez buraxdığını söyləyib: "Çatışmazlıqlar barədə danışmağım düzgün deyil. Çünki komandanın ən gənc oyunçusu mənəm. Böyüklər nə deyirsə, "baş üstə" deyirəm. Sadəcə, müdafiədə səhvlər buraxaraq məğlub olduq".