Bakıda qətlə cəhdə görə axtarışa verilən şəxs polisə təslim oldu

Bakıda qətlə cəhdə görə axtarışa verilən şəxs polisə təslim olduBakıda adam öldürməyə cəhddə təqsirləndirilən şəxs polisə təslim olub.

Sonxeber.az Trend-ə istinadən xəbər verir ki, hadisə paytaxtın Nəsimi rayonu ərazisində baş verib.

Məlumata görə, Bakı şəhər sakini Əliyev Elvin Nəsir oğlu paytaxtın Nəsimi rayonu ərazisində İsmayılov Eldar Əlisa oğluna bıçaqla çoxsaylı xəsarət yetirərək öldürməyə cəhd edib.

E.Əliyev hadisəni törətdikdən sonra qaçaraq istintaqdan gizlənib.

Onun barəsində məhkəmə qərarı ilə axtarış elan olunandan sonra E.Əliyev könüllü olaraq Nəsimi Rayon Polis İdarəsinə gələrək cinayəti etiraf edib.

Faktla bağlı Nəsimi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanıb.

Hadisə   Baxılıb: 363   Tarix: 10 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR