Gülüstan Əliyeva: Qardaşımın şəhid olacağını ərim mənə yuxuda demişdi

Gülüstan Əliyeva: Qardaşımın şəhid olacağını ərim mənə yuxuda demişdiOxu.Az-ın müxbirinin suallarını Əməkdar artist, Prezident mükafatçısı Gülüstan Əliyeva cavablandırır:

- Gülüstan xanım, siz Qarabağ acısını yaşayan sənətçilərimizdənsiniz, Vətən uğrunda həm həyat yoldaşınızı, həm qardaşınızı şəhid vermisiniz. Bu günlərdə daha iki hərbçimiz Vətən uğrunda şəhid oldular.

Bir sənətçi, bir ziyalı və bir şəhid ailəsi olaraq, Qarabağ münaqişəsi ilə bağlı nə düşünürsünüz, sülh, yoxsa hərb?

REKLAM

www.instagram.com

Daha ətraflı

- Təbii ki, hamımız, bütün analar, qadınlar istəyir ki, dünyada, o cümlədən, Azərbaycanımızda sülh olsun. Amma danışıqlar yüksək sivilizasiyalı, yüksək mədəniyyətli bir ölkənin insanına məxsusdur. Bizim qonşularımız o səviyyədə inkişaf etməyiblər ki, Qarabağ məsələsini onlarla danışıqlar yolu ilə həll edək.

Biz müharibə yolu ilə də olsa, sülh yolu ilə də olsa, torpaqlarımızı qaytarmalıyıq və bu, bizim bir vətəndaş olaraq borcumuzdur. Ali Baş Komandanımız bu yöndə çox böyük işlər görür, gərgin danışıqlar aparılır, amma bütün bunlara rəğmən, yenə də atəşkəs pozulur, yenə də vaxtaşırı şəhidlərimiz olur.

Artıq son bir həftədə - on gün ərzində iki şəhid vermişik və bir neçə gün əvvəl verdiyimiz şəhidimiz də sıravi əsgər deyildi. Hər bir yüksək səviyyəli zabiti yetişdirmək üçün illər lazımdır. Ancaq gördüyünüz kimi, Ermənistan yenə də öz düşmən, çirkin mövqeyini göstərməkdə davam edir.

Snayperlə hər hansı bir vətəndaşın, hərbçinin vurulması beynəlxalq sazişlə qadağan olunmasına baxmayaraq, Ermənistan çirkin niyyətini həyata keçirdi, Azərbaycan üçün çox dəyərli olan bir zabitimizi itirdik. Amma eybi yoxdur, biz vətənin müdafiəsi üçün oğullar böyüdürük.

Oğulları böyüdürük ki, sinəsini düşmənə sipər etsin. Bunu bacaran oğullarımız, igidlərimiz var və bunlar hər an artmaqdadırlar. Azərbaycan elə bu oğulların çiynindədir. Bu baxımdan, inanırıq ki, istər danışıqlar yolu ilə, istər hərb yolu ilə torpaqlarımızı qaytaracağıq və biz bir nəfər kimi hamımız - qadın, kişi fərqi yoxdur - Ali Baş Komandanımızın arxasındayıq.

İnanırıq ki, Azərbaycan övladları - kişili, qadınlı hamı öz ata-baba yurdlarının, öz qədim torpaqlarının bütövlüyünü, müstəqilliyini müdafiə etmək üçün son damla qanına qədər vuruşacaq.

- Sizcə, Qarabağ hadisələri, son 31 ildə yaşananlar ədəbiyyatımızda, incəsənətimizdə, sənət dünyamızda əksini tapırmı?

- Əlbəttə! Son illər Qarabağla bağlı gözəl sənət əsərlərimiz yaranıb və yaranmaqdadır. Deməzdim ki, sənət əsərlərimiz yoxdur. Bu, hər bir sənət adamının ruhunda, öz gündəlik iş həyatında, sənətində özünü göstərməyə bilməz. Çünki biz bu ölkənin vətəndaşıyıq.

Ölkənin sevincinə sevinən insanlarıq, qəminə kədərlənənik. Biz sənət adamı olduğumuza görə, bu, bizim yaradıcılığımızda daha intensiv özünü göstərir.

Bu il "Nəsimi İli" elan olunmasına baxmayaraq, gənc bəstəkarlarımız daxil olmaqla, yenə də vətənpərvərlik nəğmələri, vətənpərvərlik mahnıları var. "Nəsimi" baleti bizim Operada səhnəyə qoyuldu. Əslində, Nəsiminin həyatı bir növ azadlıq uğrunda mübarizə deməkdir. Bəstəkar Nəsiminin həyatını baletdə əks etdirməklə, sanki həm də Azərbaycan uğrunda mübarizəni əks etdirir.

Yəni, nə qədər ki qəhrəmanlarımız var, nə qədər ki igidlərimiz var, Azərbaycan uğrunda ölməyi bacaran insanlarımız var, istər ədəbiyyatda, istər incəsənətdə böyük əsərlər yaranacaq. Bilirsiniz, hadisələrin içində olanda biz o hadisənin böyüklüyünü və ağırlığını hiss etmirik.

O hadisələrdən zaman bizi ayırdıqca, necə böyük hadisələr yaşadığımızı, necə böyük mübarizələr yaşadığımızı hiss edirik və düşünürəm ki, o zaman daha böyük əsərlər yaranır və yaranacaq.

- Qarabağın, həyat yoldaşınızın və qardaşınızın qanı töküldüyü Cəbrayılın işğaldan azad edildiyini eşitdiyiniz anda ürəyinizdən nələri etmək, hansı addımları atmaq keçər?

- Bəli, mən Qrabağ savaşında həyat yoldaşımı və qardaşımı itirmişəm. Yadınızdadırsa, 2016-cı ildə Aprel şəhidlərimizi verdik, vətən uğrunda bir çox oğullarımızı itirdik.

Həmin vaxt Heydər Əliyev adına Respublika Sarayına solo konsert təyin etmişdim. Aprel hadisələrinə, şəhidlərimizə görə mən konsertimi təxirə saldım və bir neçə ay sonraya keçirdim. Bu, mənə nə qədər ağrılı olsa da, bir o qədər də sevinirdim. Niyə sevinirdim? Mənim qardaşım, ailəmizin yeganə oğlu həmin o Lələtəpədə şəhid olmuşdu 94-cü ildə.

Uğurlu Aprel döyüşləri zamanı o torpaqları geri qaytardıq və mən hamıdan daha çox sevinirdim. Və elə hiss edirdim ki, qardaşım yenidən bizimlədir, yenidən dünyaya gəlib (ağlayır). Çünki onların qanı tökülən o torpaqlar alınmışdı.

Onların qanı tökülən torpaqlarda bayrağımız dalğalanırdı. Düzdür, həmin günlərdə Azərbaycan üçün çox dəyərli olan insanlarımızı itirdik o torpaqlarımızda, amma bütün bu şəhidlərimizin üzərində bayrağımızı yüksəltdik və qardaşımın qanı töküldüyü o torpaqlar artıq Azərbaycana qaytarıldı.

Bir gün gedib oranı - o torpaqları, Lələtəpəni, Cocuq Mərcanlını ziyarət etdim və elə bil ki, hardasa ruhum rahatlıq tapdı ki, qardaşımın qanı tökülən torpaq düşməndə qalmadı, Azərbaycana qaytarıldı.

İnanıram ki, bizim igidlərimiz təkrarən canlarından keçəcək və şəhidlərimizin bir damla qanı tökülən yerləri Azərbaycana, insanlarımıza qaytaracaqlar. Mən buna inanıram. İnanıram ki, o gün olacaq.

Deyim ki, o vaxtdan qardaşımın məzarına tez-tez baş çəkməyə gedirik, həm kövrəlirik, həm də rahatlanırıq. Amma həyat yoldaşımın məzarına, onun şəhid olduğu torpaqlara 1992-1993-cü ildən sonra gedə bilməmişik. İnanıram ki, biz ora da gedəcəyik.

Onu da xatırladım ki, həyat yoldaşım Zahid Əhmədov Cəbrayıl rayonunda Cinayət-Axtarış Şöbəsinin bir neçə işçisi ilə bərabər minaya düşmüşdü. Zahid sürücüsü ilə birlikdə şəhid oldu. Cəbrayıl rayonundan bir az uzaqda, "Ziyarət dağı" deyilən yer var. Həyat yoldaşımı orada dəfn elədik.

Bir dəfə yuxuda onu gördüm. Onda hələ qardaşım əsgərlikdə idi. Mənə uzun bir siyahı göstərdi ki, bura Azadın da adını yazmalıyam. Yuxuda ağladım ki, onun adını yazma. Səhər yuxudan duranda bildim ki, qardaşım döyüşdə yaralanıb. Onu Bakıya xəstəxanaya çatdırdıq. Lakin həyatını xilas etmək mümkün olmadı (ağlayır).

Amma inanıram ki, şəhidlərimizi, oradakı bizim qədim ocağımızı - "Hacı Qaraman" ocağını bir daha görəcəyik və oradakı ulularımızı, müqəddəslərimizi ziyarət edə biləcəyik. Orada qanı tökülən, orada yatan, uyuyan şəhidlərimiz, o cümlədən, mənim həyat yoldaşım həmin o müqəddəslər qədər müqəddəsdir. Çünki hər biri şəhid müqəddəslik zirvəsinə yüksəlib və bu gün də o ümidlə yaşayıram ki, biz ora - "Ziyarət dağı"na, "Hacı Qaraman" ocağına gedəcəyik.

Həyat yoldaşımın məzarını ziyarət edə, qucaqlaya biləcəyik. Allah vətəni sevən insanları əksik eləməsin Vətənimizdən. Allah vətənpərvər oğullarımızı, qızlarımızı çox eləsin və biz də onların arxasındayıq. Hərəmiz öz sahəmizdə, hərəmiz öz işimizdə vətən üçün çalışaq, vətən üçün vuruşaq.

İnanıram ki, o zaman biz torpaqlarımızı qaytaracağıq və buna əminəm ki, bizim Ordumuz bu həsrətimizi, bu arzumuzu gözümüzdə qoymayacaq.

Mədəniyyət   Baxılıb: 2567   Tarix: 10 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

"Qapı açılanda gördüm qara ipəyə büküblər" - Nüsrətin ölümündən xəbərsiz olan HƏYAT YOLDAŞI

ARB TV-nin "Bu qədər" proqramının növbəti buraxılışında mərhum şair Nüsrət Kəsəmənlinin həyatından danışılıb.. . Şairin ailə üzvləri və qohumları onunla bağlı xatirələrini bölüşüb:. . İsmət Əyyubov – Qardaşı: "Nüsrət 17-18 yaşlarından şeir yazmağa başlamışdı. Yaşıdları və yaşlı nəsil d

10 iyun 2019

"Atam məndən imtina etdi" – Xalq artisti Nurəddin Mehdixanlı – VİDEO

ARB TV-nin "Boş anlar" proqramının növbəti qonağı xalq artisti Nurəddin Mehdixanlı olub.. . Xalq artisti çətin keçən tələbəlik illərindən danışıb:. . "Tələbəlik illəri mənə çox şey öyrətdi. Atam mənim hüquqçu, mən isə hərbiçi olmaq istəyirdim. Sonradan gəldim İncəsənət Universitetinə

10 iyun 2019

Unudulmaz qadın - Evində ölü tapılan XALQ ARTİSTİ

Sonxeber.az bildirir ki, Modern.az aktrisa Zərnigar Ağakişiyeva haqda maraqlı yazı ilə çıxış edib. Yazını oxucularımıza təqdim edriik:. . Bir vaxtlar hər gün geyinib-soyunduğu, yuyulan, ütülənən, geyinib-soyunmaqdan nimdaşlaşmış, amma əslində işlənməyən səhnə paltarlarını bir çemodana yığıb özü ilə daşıyırdı

10 iyun 2019

"Əmi, dayı, tanışlıqla seçilən aktyorlar..." - Afaq Bəşirqızı

"Özümə söz vermişəm ki, bunu etməliyəm: Gənc aktyorlara xüsusi diqqət ayırmaq və qayğısına qalmaq lazımdır. Müəyyən seriallardan xəbərim var. Mütəmadi baxmıram. Vaxtım azdır. Ümidverici aktyorlarımız var".. . Bu sözləri Xalq artisti Afaq Bəşirqızı "Şou news"a açıqlamasında deyib

7 iyun 2019

Yaşar Nurinin SON GÜNÜ: "Yatanda dedi ki, Rəhimə burda ol, ayılanda səni görmək istəyirəm, amma ayılmadı"

Görkəmli teatr və kino aktyoru, əvəzolunmaz sənətkar Yaşar Nuri fitri istedadı və çəkdiyi sonsuz zəhmət sayəsində canlandırdığı rollarla hafizələrə silinməz izlər qoyub.. . Modern.az saytının "Məşhurların son günü" rubrikası bu dəfə Yaşar Nuriyə həsr olunur. . . Rubrikamızda hər kəsin tanıdığ

7 iyun 2019

Müəllimə işləyən bacısına Mikayıl Müşfiqə görə atılan şər – ACI TARİX

5 iyun Azərbaycan estetik poeziyasının ən güclü nümayəndələrindən olan nakam taleli şair Mikayıl Müşfiqin anım günüdür. 1908-ci ilin bu günündə anadan olmuş şair qısa ömür yaşamasına baxmayaraq, çağdaş Azərbaycan poeziyasının banilərindən birinə çevrildi.. . . . Təsadüfi deyil ki, Müşfiqin anadan olduğ

7 iyun 2019

Prezidentin oğlu Azərbaycanın xalq artistinə evlilik təklif edib

"Hindistan Prezidentinin oğlu mənə evlilik təklif etmişdi, lakin razı olmadım".. . Bu sözləri "Hər şey daxil" verilişində Xalq artisti Elmira Rəhimova deyib.. . O, daha sonra fikirlərinə belə davam edib: "Elə bilirdim ki, məni sınayırlar. Onlara dedim ki, buraya dərs oxumağ

6 iyun 2019

"Babək" filmində Babəkin oğlu: Deyirlər gəl 50 manata çəkil, çəkilişə də özün gəl...

Sonxeber.az aktyor Məhəmməd Verdiyevin Lent.az-a müsahibəsini oxucularına təqdim edir: . . Bəlkə, bu ad və soyad heç nə demədi oxucuya. Yaxşı, onda bu necə: "Babək" filmində Babəkin oğlu... Həə, dərhal tanıdınız. Amma aktyor özü belə tanınmaq istəmir, həm də buna haqqı var. Niyə? Bu barəd

6 iyun 2019

Culiya Robertsdən məşhur "Gözəlçə" filmi barədə maraqlı açıqlama

Hollivud ulduzu Culiya Roberts "Variety" nəşrinə müsahibəsində ona şöhrət qazandırmış "Gözəlçə" filmi barədə maraqlı açıqlama verib.. . Aktrisanın dediyinə görə, filmin sonluğu dəyişdirilib. Belə ki, filmin sonu toyla deyil, ayrılıqla nəticələnməliydi. Riçard Girin qəhrəmanı, biznesme

6 iyun 2019