Ermənistan-İran hərbi təlimləri keçirilsin: "Sarsılmaz qardaşlıq" İrəvanı qorxutdu

Ermənistan-İran hərbi təlimləri keçirilsin: "Sarsılmaz qardaşlıq" İrəvanı qorxutduErmənistan və İran Naxçıvanın hər iki tərəfində birgə hərbi təlimlər keçirməlidir.

Sonxeber.az Ermənistan KİV-ə istinadla xəbər verir ki, bunu erməni politoloq Sergey Şakaryants deyib. O, Türkiyə və Azərbaycanın Naxçıvanda birgə təlimlərinə cavab olaraq Ermənistan-İran təlimlərinin keçirilməsini təklif edib.

Politoloqun fikrincə, Ankara Moskva və İranın Suriyada təzyiq göstərməsinə görə, Naxçıvanda təlimlər keçirir: "Təlimlərdən sonra Türkiyə ordusunun bölmələrindən biri Naxçıvan ərazisində qala bilər".

Qeyd edək ki, Naxçıvanda "Sarsılmaz qardaşlıq-2019" Azərbaycan-Türkiyə birgə döyüş atışlı taktiki təlimi başlayıb. Təlimə 5000 nəfərədək şəxsi heyət, 200-dən artıq tank və digər zirehli texnika, 180-ə yaxın müxtəlif çaplı raket və artilleriya qurğusu, yaylım atəşli reaktiv sistemləri və minaatan, 21 ədəd təyyarə, helikopter, pilotsuz uçuş aparatı və silahlanmaya yeni daxil edilmiş müxtəlif növ müasir silah və texnika nümunələri cəlb olunub.

Təlimin məqsədi qərargahların müştərək döyüş əməliyyatları planlarının hazırlanması, şəxsi heyətin peşəkarlıq səviyyəsinin artırılması və birgə tapşırıqları icra etmək vərdişlərinin inkişaf etdirilməsi ilə Azərbaycan və Türkiyə hərbi bölmələrinin qarşılıqlı fəaliyyətinin koordinasiyasına nail olmaqdır.

"Sarsılmaz qardaşlıq-2019" Azərbaycan-Türkiyə birgə döyüş atışlı taktiki təlimi iyunun 11-dək davam edəcək.

Milan

Müharibə   Baxılıb: 903   Tarix: 10 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR