Deputat bankların kredit faizlərini tənqid etdi: hamı gözləyir ki, Prezident...

Deputat bankların kredit faizlərini tənqid etdi: hamı gözləyir ki, Prezident...Bankların verdikləri kreditlərin faiz dərəcəsi aşağı salınmalıdır. Bunu Sonxeber.az-a Milli Məclisin deputatı, İqtisadi siyasət komitəsinin üzvü, iqtisad elmləri doktoru, professor, Azərbaycan Texniki Universitetinin kafedra müdiri Rüfət Quliyev Azərbaycanda bankların kredit faizlərinin yüksək olmasına münasibət bildirərkən deyib.

Millət vəkili xatırladıb ki, Azərbaycan Mərkəzi Bankının İdarə Heyəti iyunun 7-də uçot dərəcəsini 8.75%-dən 8.5%-ə endirilməsi barədə qərar qəbul edib: "Uçot dərəcəsi son 1 ildən artıq müddət ərzində 2 dəfədən çox azaldılıb. Mərkəzi Bank yenə də onun azaldılmasına gedir. Atılan bu addım təkcə kreditlərə aid deyil. Azərbaycan iqtisadiyyatı, yəni iqtisadi artım, inflyasiya, makro-iqtisadi göstəricilər, işsizlik təhlil edidikdən sonra Mərkəzi Bank uçot dərəcəsində dəyişikliyə gedir. Mərkəzi Bank Uçot dərəcəsini aşağı salmaq o deməkdir ki, ölkənin makro-iqtisadi vəziyyəti stabildir, maliyyə bazarlarında stabillik mövcuddur və kifayət qədər iqtisadi artım müşahidə olunur. Belə ki, cari ilin 3 ayında 3 faiz artım qeydə alınıb".

Onun sözlərinə görə, bunların hamısı onu göstərir ki, bankların verdikləri kreditlərin faiz dərəcəsi aşağı düşməlidir: "Bəzi bankların kreditləri 15 faizlə verdiyi qeyd edilir. Ancaq bu faizlə krediti almaq olduqca çətindir. Belə ki, xeyli sayda sənədlər tələb olunur və şərtlər qoyulur. Maliyyə bazarında müsbət trendlərə və Mərkəzi Bankın siyasətinə baxmayaraq, yenə də faizlər aşağı düşmür".

R. Quliyev diqqətə çatdırıb ki, beynəlxalq standartlara uyğun olaraq ilə 10-13 faizlə kredit alan biznes çox normal sayılır: "Əksər ölkələrdə bu göstərici var. Dünya standartlarına əsasən, özəl sektorda qazanc illik 10-15 faiz olanda bu, çox gözəl göstərici sayılır. Qabaqcıl dövlətlərin banklarında kreditlər adətən 2-4 faizdən artıq olmur. Belə olan halda Azərbaycanda banklar 25 faizlə kredit verəndə insan biznesdən nə qədər pul qazanmalıdır ki, o həm faizlərin, həm də kreditin pulunu qaytara bilsin.Yəni bu, ağlabatan məsələ deyil. Faizlərin şişirdilmiş formada olması müəyyən vaxtdan sonra ona gətirib çıxaracaq ki, yenidən problemli kreditlər məsələsi gündəmə gələcək. Bu cür yüksək faizlərlə biznes olmur, ola da bilməz".

Deputat əlavə edib: "Yenə də gözləyirlər ki, cənab Prezident bu məsələyə dərhal qarışmalı, göstəriş verməlidir. Prezident çıxışlarında dəfələrlə deyib ki, artıq mikro biznes üçün şərait yaradılmalıdır. Bizim amalımız kiçik və orta biznesin istehsal etdiyi malların və onların xidmətlərinin ümumi daxili məhsulun təxminən yarısını təşkil etməsidir".

Millət vəkili dövlətin faizləri endirmək üçün banklara qarşı inzibati tədbirlər görməsinin əleyhinə olduğunu vurğulayıb: "Bu, sosial məsələlərin həllində mümkündür. Məsələn, Prezidentin problemli kreditlərin həlli ilə bağlı verdiyi göstərişi misal çəkmək olar. 2,5 ildir hamı bundan danışırdı, ancaq maliyyə bloku heç bir iş görmürdü".

R. Quliyevin sözlərinə görə, dünyada biznesmenlərin əksəri kreditlərlə işləyirlər, şəxsi vəsaitlə iş görən yoxdur: "Azərbaycan Banklar Assosiasiyası və müvafiq qurumlar birlikdə bu məsələ üzərində düşünməlidirlər. Ehtiyac olarsa, bizə də müraciət etsinlər, öz məsləhələtlərimizi verək. Hər bir deputatın seçildiyi rayonda ən azı 40 min seçicisi var, bu baxımdan millət vəkilləri onların problemlərinə daha yaxından bələddirlər".

Məftun Salmanov

İqtisadiyyat   Baxılıb: 2125   Tarix: 11 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Deputat: Necə olur ki, bank əmanəti 12 faizlə alır, lakin 25 faizlə kredit verir?

Millət vəkili Vahid Əhmədov növbəti dəfə bankların kredit siyasətini tənqid edib.. . O, İctimai Televiziyada yayımlanan "Diqqət Mərkəzi-Yekun" verilişində çıxışı zamanı bankların krediti yüksək faizlə verdiyin

11 iyun 2019

Dolları olanlar DİQQƏT! Yeni məzənnə açıqlandı

İyunun 11-nə manatın məzənnəsi açıqlanıb.. . Mərkəzi Bankdan Sonxeber.az-a verilən məlumata görə, 11.06.2019-cu il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.. . Qey

10 iyun 2019

Vahid Ələkbərov 1 gündə 160 milyon dollar qazandı

"Forbes" jurnalının məlumatına əsasən, dünyanın ən varlı azərbaycanlısı hesab olunan "Lukoyl" şirkətinin prezidenti Vahid Ələkbərov son 24 saat ərzində 160 milyon dollar qazanıb.. . Sonxeber.az modern.az-

8 iyun 2019

Dollara BÖYÜK ZƏRBƏ: bundan sonra...

Dolların bazarda təsirini azaltmaq üçün tədbirlər görən Rusiya bu sahədə daha bir əhəmiyyətli addım atıb.. . "Qazprom" şirkəti bu il ilk dəfə rus rublu ilə neft ixfracına başlayıb.. . Şirkətin rəhbəri Aleksand

7 iyun 2019

Dolları olanlar DİQQƏT! Yeni məzənnə açıqlandı

Azərbaycan Mərkəzi Bankı (AMB) iyunun 10-na olan USD/AZN rəsmi məzənnəsini açıqlayıb.. . AMB-dən Sonxeber.az-a bildirilib ki, bankın iyunun 10-dan etibarən USD/AZN rəsmi məzənnəsi 1,7000 manat səviyyəsində müəyyən olunub

7 iyun 2019

Əhaliyə mühüm xəbər-UCUZLAŞACAQ

Kənd təsərrüfatı məhsulları mövsümi xarakterli amillərin təsiri ilə qarşıdakı bir neçə ayda da ərzaq inflyasiyasına azaldıcı təsir edəcək.. . Mərkəzi Bankdan (MB) Sonxeber.az-a verilən məlumatda qeyd olunub ki, ötən ili

7 iyun 2019

Azərbaycanda banklarla bağlı yeni cəza növü müəyyənləşdi

Azərbaycanda maliyyə bazarlarına nəzarət orqanına (Maliyyə Bazarlarına Nəzarət Palatası - red.) haqların ödənilməməsinə görə cəza müəyyənləşib.. . Sonxeber.az xəbər verir ki, bununla bağlı İnzibati Xətalar Məcəlləsinə dəyişikli

7 iyun 2019

Mərkəzi Bankdan manatla bağlı VACİB QƏRAR

Azərbaycan Mərkəzi Bankının İdarə Heyəti uçot dərəcəsinin 8,75%-dən 8,5%-ə endirilməsi haqda qərar qəbul edib.. . Faiz dəhlizinin yuxarı həddi 10,5%, aşağı həddi isə 6,5% (uçot dərəcəsinə ±2%-lik simmetrik diapazonda) səviyyəsind

7 iyun 2019

Dolları olanlar DİQQƏT! Yeni məzənnə açıqlandı

İyunun 7-nə manatın məzənnəsi açıqlanıb.. . Mərkəzi Bankdan Sonxeber.az-a verilən məlumata görə, 07.06.2019-cu il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.. . Qey

4 iyun 2019