Dondurma təhlükəsi – necə qorunaq?

Dondurma təhlükəsi – necə qorunaq?AQTA: "Dondurma süd məhsulu olduğu üçün onun tərkibinə ancaq kərə yağı vurulmalıdır"
Havalar isindikcə dondurmaya da tələbat artır. İstənilən mağazada müxtəlif çeşidlərdə, müxtəlif ölkə istehsalı olan dondurmalar satılır. Hazırda ölkə bazarında daha çox yerli, Türkiyə və Rusiya istehsalı olan dondurmalardır. Əlbəttə ki, xaricdən gətirilən dondurmalar yerli istehsala nisbətən 2 dəfəyə qədər baha qiymətə satılır.

Bəs ləzzətlə yediyimiz dondurmaların hamısı keyfiyyət tələblərinə cavab verirmi? Əlbəttə ki, yox. Dəfələrlə satışda vaxtı keçmiş, keyfiyyəti aşağı olan dondurmalara rast gəlirik, hansı ki, insan orqanizmində fəsadlara, zəhərlənmələrə yol açır. Bəzi dondurmaların üzərində istehsal olduğu məkan və tərkibi belə qeyd edilmir. İddialara görə, həmin dondurmalar zirzəmilərdə, anti-sanitariya şəraitində hazırlanan məhsullardır.

Qeyd edək ki, son illərdə Bakının mərkəz hissələrində, xüsusən də İçərişəhər daxilində və ətrafında əyləncəli formada türk dondurmaları da satılır. Belə ki, satıcı dondurmanı alıcıya bir neçə dəqiqəlik oyun formasında - aldadaraq, zarafat edərək təqdim edir. Bu oyun daha çox uşaqları və turistləri özünə cəlb edir. Dondurmanın qiyməti də o qədər də ucuz deyil - 2 manat. Dadına gəldikdə isə çoxlu sayda alıcı var ki, bu dondurmanın həm keyfiyyətindən, həm də dadından narazılıq edir. Onun hansı şəraitdə hazırlandığı, tərkibinin nədən ibarət olduğu isə məlum deyil.

Bəs aidiyyəti qurumlar, o cümlədən Qida Təhlükəsizliyi Agentliyi dondurmaların istehsalı ilə bağlı məsələyə necə nəzarət edir?

Qurumdan sorğumuza cavab olaraq bildirilib ki, Qida Təhlükəsizliyi Agentliyi tərəfindən ölkədə istehsal edilən və idxal olunan qida məhsulları üzərində risk əsaslı nəzarət tədbirləri həyata keçirilir: "Bütün qida məhsulları kimi dondurmalar da risk əsaslı nəzarətə cəlb edilir. Agentlik yayın gəlişi ilə əlaqədar dondurma məhsullarının istehsalına nəzarəti gücləndirib.

Məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarında müayinələrdən keçirilir. Müayinələr nəticəsində təhlükəsizlik göstəriciləri uyğun olduqda dondurmalar yerli bazarda sərbəst ticarət dövriyyəsinə daxil edilir. Eyni zamanda Qida Təhlükəsizliyi Agentliyi əhalinin sağlamlığının qorunması istiqamətində mütəmadi olaraq monitorinqlər həyata keçirir. Bakı şəhəri də daxil olmaqla, respublikanın bütün regionlarında konkret faktlara əsaslanan müraciətlər daxil olduqda dərhal araşdırma aparılır və qanunvericiliyə uyğun tədbirlər görülür. Əgər vətəndaşların dondurmalar ilə bağlı hər hansı narahatlığı olarsa, bu barədə konkret faktlarla Agentliyin 1003 "Çağrı Mərkəzi"nə zəng edib məlumat verə bilərlər".

Məlumatda qeyd edilib ki, kənar təsirlərə - istiyə, soyuğa, qoxuya daha tez məruz qaldığı üçün dondurma alarkən məhsulun qabının əzilmiş olmadığı və hermetikliyinin pozulmadığına diqqət etmək lazımdır: "Məhsulda kəsmiyəbənzər, qumabənzər köpüklü əlamətlər olmamalıdır. Dondurma satılan yerlər sanitar-gigiyenik tələblərə cavab verməli və satıcı gigiyena qaydalarına riayət etməli, təmiz iş geyimində olmalıdır. Dondurmanın üzərinə birbaşa günəş şüaları düşməməlidir. Əgər dondurma açıq havada satılırsa, soyuducular kölgə düşən yerlərdə saxlanmalıdır. Dondurma alarkən məhsulun etiketində qeyd edilmiş temperaturda saxlanmasına diqqət edilməlidir. Eyni zamanda məhsulun etiketində istehsal və son istifadə tarixi düzgün qeyd edilməlidir. Keyfiyyətli dondurmanın tərkibində indriqiyentlər mümkün qədər az və 40% süd olmalıdır.

Dondurmaların saxlanma şəraitinə də mütləq əməl edilməlidir. Belə ki, dondurmanı digər qida məhsulları ilə bir yerdə saxlamaq olmaz. Bu məhsullar mütləq etiketində qeyd edilmiş və sabit temperaturda saxlanmalıdır. Dondurmanın saxlanma temperaturu onun növündən və tərkibindəki əlavələrdən də asılıdır.

Növündən asılı olaraq topdansatış məntəqələrində xüsusi soyuducu kameralarda - 18°C-də saxlanılmalıdır.

Dondurmaların saxlanılması qüvvədə olan texniki-normativ sənədlərin tələblərinə uyğun həyata keçirilməlidir. Agentlik tərəfindən bu məhsulların saxlanılmasının qaydalara uyğun həyata keçirilməsi ilə bağlı mütəmadi olaraq monitorinqlər aparılır və qanunvericiliyin tələblərinə uyğun tədbirlər görülür".

Mütəxəssislər qeyd edir ki, keyfiyyətli dondurmanın tərkibində mütləq süd, şəkər, kərə yağı, yumurta olmalıdır. Həmçinin dad və ətirverici maddələr, stabilləşdiricilər əlavə olunur. Əgər dondurmanı dilin üstündə qoyduqda acı dad verərsə, deməli, tərkibinə kərə deyil, marqarin, bitki yağı qatılıb. Dondurma süd məhsulu olduğu üçün onun tərkibinə ancaq kərə yağı vurulmalıdır. Yalnız bu halda dondurmanı dilin üstünə qoyduqda təzə qaymaq dadı verir, yəni yararlıdır.

Dondurma alarkən daha bir məqama diqqət etmək lazımdır - onun kağızına. Əgər dondurmanın kağızı əzikdirsə, mütləq onu almaqdan çəkinmək lazımdır. Bu onu göstərir ki, dondurma bir dəfə əriyərək, yenidən dondurulub və bu da insan orqanizmi üçün təhlükəlidir və çirklənmiş məhsul hesab olunur.

Həmçinin dondurma ən yaxşı halda, 18 dərəcə temperaturda 6 ay saxlanıla bilər. Lakin əgər məhsul satışa çıxarılırsa, tez bir zamanda satılmalıdır. Uzun müddət mağazaların soyuducularında qalan dondurmaların insanlarda mədə-bağırsaq xəstəlikləri yarada biləcəyi deyilir. Bununla bərabər dondurma üzərində qumabənzər köpüklü əlamət olmamalı, üzərinə birbaşa günəş şüaları düşməməlidir.

Dondurma vazkeçilməz qida olsa da ondan da qaydasında istifadə etmək məsləhət görülür. Məsələn, ekspertlər bildirir ki, birdəfəyə 300-400 qramdan çox dondurma qəbul etdikdə, bu, insanın bədən temperaturunu aşağı sala, hətta ölümə səbəb ola bilər. Diabetli xəstələr isə şokoladlı dondurmadan imtina etməlidir.

Ədədlə satılan - xırda, çəkilib-bükülmüş dondurmalar vafli, qapaqlı polistirol və parafinləşdirilmiş karton stəkanlarda, laminirləşdirilmiş sellofan paketlərdə və müvafiq səlahiyyətli orqanlar tərəfindən icazə verilən digər qablaşdırma materiallarında buraxılmalıdır. Açıq şəkildə çəki ilə satılan dondurmalar daxildən qalaylanmış qapağı möhkəm örtülən qablarda qablaşdırılır. Qapağın altından perqament və yaxud podperqament kağızı qoyulur. Çəki ilə satılan dondurmalar daxilinə polietilen yerləşdirilmiş karton qutulara qablaşdırıla bilər.

"Yeni Müsavat"


Sonxeber.az Telegramda izləyin
Sosial   Baxılıb: 815   Tarix: 12 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Ölümdən sonra tükürpədici 10 gerçək: İnsan ölür və 20 dəqiqə sonra…

Hər kəs bir gün öləcək. Bu həqiqəti hər birimiz qəbul edirik. Müxtəlif inanc sistemlərini öyrənən metafizik təcrübələrin nəticələri davamlı şəkildə açıqlanır. İnsan bədəninin ölümdən sonra nə olacağını isə elm açıqlayıb. Cebhe.info ölümdən sonra yaşanacaq 10 tükürpədici gerçəyi təqdim edir: 1.Ölüm ba

12 iyun 2019

Azərbaycanda təbiət möcüzəsi: İllərdir suyun üzərindəki alov sönmür

Su odla bir araya gəlməz, tutuşmaz deyirlər. Amma təbiətin bir-birinə əks olan bu iki ünsürü çox nadir hallarda da olsa, bir araya gələ bilirmiş.. . Sonxeber.az Sputnik-ə istinadən xəbər verir ki, belə təbiət möcüzələrindən biri də Azərbaycanın Ağstafa rayonu ərazisində, Saloğlu kəndi yaxınlığında yerləşir.

12 iyun 2019

Bu gün Azərbaycanın bu ərazilərində qaz olmayacaq

Bu gün Sumqayıt şəhərinin təbii qaz təchizatında məhdudiyyətlər olacaq.. . Sumqayıt Qaz İstismarı Sahəsindən Sonxeber.az-a verilən məlumata görə, Sülh küçəsində yeni çəkilmiş polietilen qaz kəmərinin işlək qaz kəmərinə qoşulması ilə əlaqədar olaraq qaz təchizatında fasilə yaranacaq.. . Belə ki, bu gü

12 iyun 2019

DİM abituriyentlərə müraciət etdi

Dövlət İmtahan Mərkəzi (DİM) abituriyentlərə müraciət edib.. . DİM-dən Sonxeber.az-a verilən məlumata görə, yay qəbul imtahanlarında iştirak etmək üçün ərizələrin qəbulu başa çatır.. . Bu gün saat 23.59-dək aşağıdakı kateqoriyadan olan abituriyentlər üçün elektron ərizə qəbulu sistemi aktiv olacaq:

12 iyun 2019

"Yazmışdılar ki, deputat Sədaqət xanım pul paylayır..." - Millət vəkili

Sədaqət Vəliyeva: "Çalışmışam ki, üzərimə düşən vəzifələri layiqincə yerinə yetirim". . . "Yazmışdılar ki, deputat Sədaqət xanım pul paylayır..." . . . Milli Məclisin 25 saylı Nizami ikinci seçki dairəsindən deputatı, YAP Nizami rayon təşkilatının sədri Sədaqət Vəliyeva Modern.az-ı

12 iyun 2019

Səfayə Əhmədova 13 illik vəzifəsindən ayrıldı

Səhiyyə Nazirliyinin mətbuat xidmətinin mütəxəssisi Səfayə Əhmədova vəzifəsindən azad edilib.. . Sonxeber.az xəbər verir ki, bu barədə Trend-ə S.Əhmədova özü məlumat verib.. . Onun sözlərinə görə, öz ərizəsi ilə işdən azad edilib. Hazırda heç bir yerdə çalışmır.. . Qeyd edək ki, S.Əhmədova 2006-cı ildə

12 iyun 2019

Ər-arvad arasında haramlar var!-ən böyük haramsa...inanmayacaqsınız!

Uca Allah ər-arvadı bir-birilərinə halal qılıb. Ər arvadının, qadın da ərinin cinsi münasibətlərindən istədiyi zaman istədiyi şəkildə yararlana bilər. Lakin ər-arvad arasındakı cinsi münasibətlərdə sərbəstlik mühiti isə sərhədsiz deyil. Yəni ər-arvad arasında da cinsi münasibətlərdə haramlar vardır

12 iyun 2019

Çin səddindən sonra ikinci ən böyük sədd Azərbaycandadır - VİDEO

Azərbaycanın tarixi abidəsi olan Çıraqqala yaxın vaxtlarda təmir ediləcək.. . Oxu.Az-ın bölgə müxbirinin məlumatına görə, IV-VI əsrlərdə Sasani hökmdarları tərəfində müdafiə məqsədilə tikilən qala uzun illərdir təbii fəlakətlər nəticəsində dağılmağa məruz qalıb.. . Çıraqqalanın yerləşdiyi möhtəşəm Gilgilça

12 iyun 2019

"Baku Bus"da uşağın vəziyyəti pisləşdi: Kondisioneri qoşmayıb - VİDEO

Paytaxtda isitmə-soyutma sistemi ilə təchiz edilməsinə baxmayaraq, hələ də bəzi marşrut avtobuslarında kondisionerlər qoşulmur. Bu hal ötən gün ''Baku Bus''a məxsus 7A saylı avtobusda sürücü ilə sərnişinlər arasında gərginliyə səbəb olub.. . Avtobusun içində sıxlıq olsa da, sürüc

12 iyun 2019