"Ərim mənə işgəncələr verirdi, qapı-qapı gəzib..." - 15 yaşlı Gülçinin ÜRƏKPARÇALAYAN HƏYAT HEKAYƏTİ

Xəbər verdiyimiz kimi, 12 yaşlı azərbaycanlı qızı aldadıb Gürcüstana apardılar və orada məcburi yunanla evləndiriblər.

Sonxeber.az xəbər verir ki, bunu Xəzər televiziyasında "Səni axtarıram" verilişinin aparıcısı Xoşqədəm Hidayətqızına müraciət edən Yeketerina (Gülçin – red.) açıqlayıb.

Yekaterinanın sözlərinə görə, onun adını dəyişdiriblər:

"Mənim adımı dəyişib Yekaterina qoyublar. Mən sonradan adımı öyrəndim. Dedilər ki, adın Gülçindir. Mən Gülsüm bilirdim. Adımı dəyişdiriblər ki, anam məni tapa bilməsin. Bibim mənə deyirdi ki, anan pis yolun yolçusudur. Bir dəfə nənəmin rəfiqəsi zəng edib dedi ki, bizə gəl, Yeketrinanı da gətir. Biz içəri girdik, 5 dəqiqə sonra anam ayaqyalın içəri girib məni qucaqlayaraq ağlamağa başladı. Mən əvvə bilmədim anamdır. Nənəm dedi ki, anandır. Mən nənəmi anam bilirdim. Anamla birgə onun evinə getdim. Otağın birini mənim üçün bəzəmişdi. 12 yaşım olanda mən palçıqla oynayırdım. Atamın ikinci həyat yoldaşı mənə işgəncələr verirdi. Məni məktəbə getməyə qoymurdu. Anam nənəmə dedi ki, qızımı mənə verin. Onu qoyum məktəbdə oxusun. Nənəm icazə vermədi. Heç atam da mənə sevgi vermədi".

Gülçin bildirib ki, ögey anası onu doğma anası ilə görüşdürüb:

"Anam mənə zəng edib "gəl görüşək", - dedi. Mən də əgər nənəm icazə versə görüşərik edib. Ögey anam məni anamla görüşdürdü. Sonra 12 yaşım olanda məni başqa adamın sənədi ilə Gürcüstana keçirdilər. 15 yaşımda nənəm xəstə olanda bir oğlan çıxdı. O mənə "görmədiyin xoş günləri mənimlə yaşayacaqsan" dedi . Mən ailə qurduğum oğlan yunan idi. Onunla evlənəndən 1 həftə sonra nənəm öldü. Evləndiyim oğlan mənə işgəncələr verməyə başladı. Uşaq ac olanda ağlayırdı, o da məni döyürdü. Anasız böyümək çətindir, anama ehtiyacım var. Elə an olub ki, qapı-qapı gəzib uşağıma pampers, süd istəmişəm. Dəfələrlə dərman içdim, özümü öldürmək istədim. Ancaq bacarmadım. Anamın xəbəri yoxdur nələr çəkdiyimdən. Ana, yalvarıram geri dön".

Daha sonra Yekaterinanın anası Alidə efirə gəlib. Alidə qeyd edib ki, qızının 4 yaşı olandan onu döyə-döyə əlindən alıblar:

"Qızımı geri qaytarmaq üçün dələrlə atasının qapısına getdim. Ancaq vermədilər. Qızım 4 yaşında olanda onu döyə-döyə əlimdən aldılar. 12 il keçmiş həyat yoldaşımın qapısına gedib-gəldim. Qayınanam sonuncu dəfə məni qızımla görüşdürəndə söz verdi ki, Gülsümü mənə verəcək. Məni aldatdılar. Mən istəyirdim ki, qızım həkim olsun. Məni anam bədbəxt etdi, onu da atasıgil".

Gülnarə Eynullaqızı

Telegramda izləyin

instagramda izləyin