Sovet liderlərini özünə tabe etdirmiş məşhur fotoqrafın maraqlı xatirələri…

Sovet liderlərini özünə tabe etdirmiş məşhur fotoqrafın maraqlı xatirələri…"Onlar eyni siyasi əqidənin sahibi olsalar da, xarakterləri fərqli idi. Hər bir Siyasi Büro üzvü özünəməxsus kaprizləri, münasibət tərzləri, davranışı ilə fərqlənirdi. Kimisi mehriban idi, kimisi isə sərt... Amma bunlar mənim işimə mane ola bilməzdi. Çünki mən xidməti vəzifəmi icra edirdim. Məsələn, Nukuta Xruşov siyasətdə səbrsiz bir sima olsa da, mənim kameramın qarşısına keçəndə hövsələli olurdu. Mən işimi gördüyüm vaxt onu özümə tabe edə bilirdim. Bəzən isə özü xahiş edirdi ki, şəklini təkrar bir də çəkim. Çünki bilirdi ki, şəkdiyim şəkil sabahısı gün mərkəzi qəzetlərin birinci səhifəsində olacaq..."

Bu sətirlər 40 ilə yaxın bir müddətdə Kremlin fotoqrafı olan İlya Filatovun mətbuata verdiyi müsahibəsindəndir. Özü tez-tez jurnalistlərin arasında olsa da, İlya Filatov heç vaxt jurnalistlərə açıq olmayıb. Kremlin fotoqrafı yalnız ömrünün son illərində cəmisi 2-3 dəfə jurnalistlərlə hömsöhbət olub. Müsahibələrin sonunda ondan şəkil istəyəndə isə, o qəzetdə şəklinin getməsinə razılıq verməyib.

İlya Filatov peşəkar fotoqraf olmağı ilə yanaşı, son dərəcə mədəni, yüksək intellektli, böyük dünyagörüşünə malik bir şəxs olub. Bəlkə də bunun nəticəsidir ki, siyasi liderlərin şəkillərini çəkdikdən sonra arabir onlarla fikir mübadiləsi aparmağa da nail olub.

Özü söylədiyi kimi bu məsələdə fotoqraf daha çox Leonid İliç Brejnevlə ünsiyyətdə olub: "Leonid İliç Brejnev mülayim və sadə bir insan idi. O məni tez-tez bağ evinə də çağırırdı, ailə tədbirlərini, müxtəlif yığıncaqları çəkirdim. Şəkil çəkdirməyi çox xoşlayırdı. Aramızda tez-tez söhbətlər də olurdu. O, daha çox suallar verirdi, insanların güzəranı, sosial problemləri ilə maraqlanırdı. Mən də bu suallara hər şeyi gördüyüm və bildiyim kimi cavab verirdim. Brejnevin həyat yoldaşı Viktoriya Petrovna çox mehriban, qayğıkeş qadın idi. İşimi gördükdən sonra, o məni yedizdirməmiş yola salmazdı. Hələ bundan əlavə evə aparmaq üçün ərzaqlar da qoyurdu maşına. Bir sözlə, mən bu ailədən həmişə razı qalmışam..."

İlya Filatov müsahibələrində digər rəhbərləri də xarakterizə edib: "Mixail Suslov çox soyuq adam idi. Siyasi Büro üzvlərinin portretlərini hazırlayanda hər bir üzvün şəklini çəkmək üçün konkret vaxt ayrılmışdı. Digərlərindən fərqli olaraq Suslov üçün ayrılmış vaxta bir dəqiqə gecikmək, yaxud bir dəqiqə vaxtından əvvəl tez gəlmək böyük problem yarada bilərdi. O danışmağı sevmirdi. Amma mənim çəkilişlə bağlı komandalarıma ciddi riayət edirdi, sonda isə ciddi şəkildə soruşurdu: "Mən öz işimə davam edə bilərəm?"

Moskva şəhər Partiya Komitəsinin birinci katibi Viktor Qrişin maraqlı adam idi. Həm də şəkil çəkdirməyi çox sevirdi. Mən işimə başlamazdan əvvəl, o mənim problemlərimlə maraqlanırdı. Yeri gəlmişkən, Kreml yaxınlığında fotoatelye açmağıma o mənə kömək etmişdi. Qrişin şəkil çəkdirmək üçün kifayət qədər vaxt ayırırdı, hətta qəbulda kimlərinsə gözləməyinə baxmayaraq məni tələsdirmirdi.

İşlədiyim illər ərzində özümə ən yaxın saydığım adam Aleksey Kosıgin olub. Ümumiyyətlə Kosıgini hamı sevirdi və ona olan rəğbət təkcə onun tutduğu vəzifədən deyi, insanlığından irəli gəlirdi. Kösıgin siyasi elita arasında yeganə şəxs idi ki, mən istənilən vaxt ona öz sözümü deyə bilərdim. Məni tez-tez ailə tədbirlərini çəkməyə dəvət edirdi. İşimi görüb qurtardıqdan sonra isə heç olmasa yarım saatlıq olsa da məni süfrə arxasına keçməyə məcbur edirdi.

Konstantin Çernenko şəkil həvəskarı olsa da, çəkilən şəkillərə qarşı çox tələbkar və kaprizli bir adam idi. Bəzən elə olurdu ki, mən onun şəkillərini "retuş" etmək üçün saatlarla vaxt sərf edirdim.

Mixail Qorbaçov isə şəkil məsələsinə laqeyd idi. O, həmişə tələsirdi və məni də tələsdirirdi..."

İlya Filatovun şəkdiyi şəkillər "Pravda", "İzvestiya", "Oqonyok" və s. mətbu orqanların birinci səhifəsini bəzəyib. Fotoqraf zəngin həyat tərzi sürməsə də, dolanışığından narazı olmayıb. Yüksək əmək haqqı, qəzet və jurnallardan aldığı qonorar onun normal yaşaması üçün kifayət edib. Bundan başqa siyasilərin hədiyyələri də öz yerində. Fotoqrafın evindən bahalı işkilər, defisit ərzaq məhsulları da əskik olmayıb.

İlya Filatov müsahibəsində siyasi elitanın yaşam tərzi haqqında da danışıb: "Əsl kommunizmi onlar görüblər. Bir zəng və hər şey dərhal hazırdı. Siyasi Büro üzvlərinin ailələri, xüsusilə də həyat yoldaşları çox zəngin həyat tərzi sürüblər. Xidmətçilər, aşbazlar, bağbanlar, sürücülər, dayələr, mühafizəçilər və onlarla insanlar məhz bu ailələrə xidmət ediblər. Təsəvvür edin ki, Andrey Qromıko Ali Sovetin Rəyasət heyətinin sədri olanda, ona 9 maşın ayrılıb..."

İlya Filatov aldığı ən böyük qonorardan da danışıb: "1970-ci ildə Leonid İliç Brejnevin göstərişi ilə Siyasi Büri üzvləri və üzvlüyə namizədlərin portretlərinin yenilənməsi mənə tapşırılmışdı. Mən onların hamısının portretlərini çəkdim. Bu işə görə Mərkəzi Komitənin İşlər İdarəsi mənə 2600 rubl pul verdi. Həmin dövr üçün bu olduqca böyük məbləğ sayılırdı. Ondan əvvəl isə bir dəfə Nikita Xruşov Kremlin hesabından mənə 2000 rubl pul ayırmışdı..."

İlya Filatov siyasilərlə işləməyin çətinliyindən, məsuliyyətli olmağından də söhbət açıb, amma işinin çox maraqlı olduğunu söyləyib: "İşim böyük məsuliyyət tələb edirdi. Amma buna baxmayaraq çox maraqlı idi. Televizorda "ütülü" gördüyümüz insanları idman paltarında, ov libasında, içki məclisində görmək, bəzən onların zarafatlarına qulaq asmaq və ümumiyyətlə birincilərin siyasətdən kənar həyatlarını müşahidə etmək həqiqətən də maraqlı idi..."

Mənbə: Musavat.com


Sonxeber.az Telegramda izləyin
Siyasət   Baxılıb: 1002   Tarix: 17 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

"Elçibəy mənə baş nazir, Heydər Əliyev isə baş nazirin müavini vəzifəsini təklif etdi"

1993-cü ilin bu günlərində Azərbaycanda baş verən ziddiyyətli olaylarda üzdə olan fiqurlardan biri də sabiq AMİP lideri Etibar Məmmədov olub. O dövrdə E. Məmmədova müxtəlif vəzifələr təklif olunması, lakin onun razılaşmaması haqda söz-söhbətlər dolaşırdı. Bəs o günlərdə Azərbaycanın aparıcı müxalif siyas

17 iyun 2019

Ruslar Azərbaycanı özlərinə dost ölkə seçdi – yeni gəlişmə, təzə şərtlər

Rusiyadakı "Levada Center" qeyri-hökumət təşkilatı ölkə vətəndaşlarının dost və ya düşmən saydığı dövlətlərin siyahısını açıqlayıb. Sorğunun nəticələrinə görə, əhalinin 62%-i Belarusu, 42%-i Çini, 38%-i Qazaxıstanı, 22%-i Ermənistanı, 16%-i isə Azərbaycanı Rusiyanın dostu kimi görür. Düşmə

17 iyun 2019

"İlkin işinin başındadır" - ATV prezidentindən AÇIQLAMA

"Azad Azərbaycan" Müstəqil Teleradio Kompaniyasının (ATV) prezidenti Azər Xəlilov sosial şəbəkələrdə telekanalının jurnalisti İlkin Xəlilovun və "ATV xəbər"in baş redaktoru Vaqif Aydınoğlunun işdən çıxarılmasına münasibət bildirib. . . Azər Xəlilov Unikal.org-a açıqlamasında bildiri

17 iyun 2019

"Azərbaycanda aprel müharibəsi ərəfəsindəki vəziyyətdir"

Qarabağda təmas xətti boyu vəziyyət gərginləşməkdədir və bu prosesi başladan Ermənistan silahlı qüvvələridir. Erməni tərəfinin təcavüzkar əməllərinə hələlik Azərbaycan tərəfi "mülayim" cavablar verməkdədir və belə görünür ki, rəsmi Bakı uzun müddətdən bəri ilk dəfə ABŞ-da baş tutacaq danışıqla

17 iyun 2019

Deputat: Cəbhədə vəziyyət gərginləşməkdə davam edəcək

"Belə görünür ki, cəbhədə vəziyyət gərginləşməkdə davam edəcək və bunda da Ermənistan tərəfi maraqlıdır". . . Sonxeber.az xəbər verir ki, bu barədə millət vəkili Sahib Alıyev "Facebook" sosial şəbəkəsində yazıb. Onun sözlərinə görə, gərginliyə səbəb odur ki, işğalçı ölkə substanti

17 iyun 2019

Pənah Hüseyn sosial şəbəkədən Surət Hüseynova od püskürdü: "... Qələt eləyir, başını..."

Sabiq baş nazir, Azərbaycan Xalq Partiyasının rəhbəri Pənah Hüseyn sosial şəbəkə vasitəsilə mediaya müraciət edib.. . Sonxeber.az musavat.com-a istinadla xəbər verir ki, P.Hüseyn iki gün öncə sosial şəbəkədən yazdığı bir statusu xatırladıb, daha sonra öz mövqeyini açıqlayıb. P.Hüseynin statusunu təqdi

17 iyun 2019

Cəbhədən SON XƏBƏR

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 16 dəfə pozub.. . Müdafiə Nazirliyindən Sonxeber.az-a verilən məlumata görə, Ermənistan Respublikası Noyemberyan rayonunun Şavarşavan kəndində yerləşə

17 iyun 2019

Rusiya şirkətindən Azərbaycanın ərazi bütövlüyünə qarşı təxribat

Rusiya Federasiyasının "Ural hava yolları" şirkətinin rəsmi mətbuat orqanı olan "UAM" jurnalında Azərbaycan Respublikasının ərazi bütövlüyünə qarşı təxribata yol verib.. . Sonxeber.az "Report"a istinadən xəbər verir ki, jurnal öz səhifəsində "Günəşli Ermənistana vertolyo

16 iyun 2019

Mariya Zaxarova: Mən Bakını çox sevirəm

Bakıya yenidən gəlişimdə şəhərin daha da gözəlləşdiyinin şahidi oldum.. . Sonxeber.az AZƏRTAC-a istinadən bildirir ki, bu fikirləri Rusiyanın Xarici İşlər Nazirliyinin rəsmi nümayəndəsi Mariya Zaxarova Rusiyanın TASS agentliyinin jurnalisti Səadət Kadırovanın "kadyrova.online" "YouTube"

16 iyun 2019