Rusiya Dağ Qoşunları Qarabağda... - Müharibə HƏR AN BAŞLAYA BİLƏR

Rusiya Dağ Qoşunları Qarabağda... - Müharibə HƏR AN BAŞLAYA BİLƏRRusiya mediası iddia edir ki, Dağlıq Qarabağda müharibəyə hazırlıq gedir. Jurnalist Valeri Axrimoviçin müəllifi olduğu məqalədə bildirilir ki, Qarabağ cəbhəsində vəziyyət kəskinləşir. Azərbaycan tərəfi ermənilərin qumbaraatanlarla təxribat törətdiyini deyir, Ermənistan isə bunu təkzib edir. Ermənistan tərəfi iddia edir ki, Azərbaycan vəziyyətdən istifadə edərək, müharibəyə başlamaq istəyir. Müəllif hesab edir ki, Qarabağda müharibə başlayarsa, Rusiyanın seçim problemi yaranacaq. Çünki Azərbaycan və Ermənistanın Rusiyadakı diasporu eyni səviyyədə güclüdür.

Bundan başqa, Ermənistan mediasında da tez-tez Azərbaycanın hər an müharibəyə başlamaq istəyindən doğan qorxu və təşviş əksini tapır.

Politoloq, sabiq dövlət müşaviri Qabil Hüseynli Publika.az-a açıqlamasında bildirir ki, Ermənistan qorxmaqda haqlıdır:

"Dağlıq Qarabağda separatçı ermənilər ayağa qalxıb orada əhalinin bir qismini təkil edən azərbaycanlıları oradan qovublar. Daha sonra rus ordusunun – 366-cı alayın köməyi ilə Xocalı soyqırımını həyata keçirməklə yanaşı, Ağdam, Füzuli, Cəbrayıl, Laçın rayonlarının istilasını həyata keçiriblər. Daha sonra Rusiya Dağ Qoşunların hissələri ilə birlikdə Kəlbəcəri işğal ediblər. İndi lap aydın görünür ki, bir tərəfdə təcavüz edərək özgə torpaqlarını işğal edən dövlət var. Torpaqların insanlarını etnik təmizlənməyə məruz qoyan rejim var. Digər tərəfdə isə təcavüzə məruz qalmış, torpaqlarını itirmiş, 1 milyondan çox qaçqın və məcburi köçkünlə baş-başa qalmış Azərbaycan var. Bir də bu tərəflərin münasibətlərini tənzimləyən beynəlxalq hüquq normaları mövcuddur. Birləşmiş Millətlər Təşkilatı Dağlıq Qarabağ və ətraf ərazilərin işğaldan azad olunması üçün 4 qətnamə qəbul edib. Azərbaycan beynəlxalq hüquq normalarına və BMT-nin 4 qətnaməsinə söykənərək istənilən zaman əsrlərlə ərazisinin tərkib hissəsi olan Dağlıq Qarabağ və ətraf rayonlarında həmin ərazidə sonradan məskunlaşan erməniləri Azərbaycan tabe olmağa vadar edə bilər. Yəni anti-terror əməliyyatlarına hər an start verə bilər. Buna müharibə demək doğru deyil. Ermənilər öz hərəkətlərini müharibə adlandıra bilər. Lakin Azərbaycanın həyata keçirdiyi müharibə deyil, torpaqlarının azad olunma təşəbbüsləridir. BMT-nin nizamnaməsinin 51-ci maddəsində də deyilir ki, təcavüzə məruz qalmış ölkə öz torpaqlarını azad etmək üçün özü və ya hər hansı dövlətin qüvvələrindən istifadə edə bilər. Biz hələ ki, öz qüvvəmizlə bunu həyata keçirmək niyyətindəyik. Bu niyyəti açıq şəkildə də bəyan etmişik. Necə yəni, bizim torpaqlarımıza Suriyadan, İraqdan erməni köçülür, məskunlaşdırılır, biz isə bunu seyr etməliyik? Dünyada bu cür ədalət prinsipi yoxdur. Heç dünya ictiamiyyəti də bunu qəbul etmir".

Politoloqun sözlərinə görə, bu səbəbdən, Azərbaycanın mənəvi haqqı var ki, istənilən zaman istila edilmiş torpaqlara hücum edərək geri alsın və burada məskunlaşmış əhalini və Ermənistan ordusunun əsgərlərini uzaqlaşdırsın: "Buna istər müharibə desinlər, istər anti-terror əməliyyatları desinlər, istərsə də separatçılığa qarşı mübarizə adlandırsınlar, bütün beynəlxalq hüquq normalarında Azərbaycanın cəhdləri haqlı dəyərləndiriləcək. Mütləq həyata keçirilməlidir. Ermənistanın rəsmi nümayəndələri danışıqlara gəlib bizimlə zarafat edir, nağıl danışır, ağlına gələn bəyanatları verir. Danışıqların isə predmetli olmalıdır, nəticə ortaya qoyulmalıdır. Masada müzakirəyə hazır məsələlər olmalıdır. Bunların olmadığı yerdə Azərbaycan sülhə nail olmağı uzun müddət gözləməyəcək. Azərbaycan çox da uzaqda olmayan bir zamanda danışıqları dayandıracaq və Ermənistan o zaman Azərbaycanın Müdafiə naziri Zakir Həsənov və onun komandası ilə danışmalı olacaq. Azərbaycan xalqı da vətəninin müdafiəsinə qalxacaq və bu işi dəstəkləyəcək. Ermənistanın səsləndirdiyi heç bir bəyanat Azərbaycana maraqlı deyil".

Siyasət   Baxılıb: 1733   Tarix: 25 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

"Prezidentin yanında işini bilən insanlar çalışmalıdır" - Eldar İbrahimov

"Cənab prezident tərəfindən həyata keçirilən təyinatları yüksək qiymətləndirirəm. Çox yaxşı bir haldır ki, vəzifəsini dəyişən şəxslərlə onların yerinə gələnlər eyni dərəcədə peşəkardılar. Məsələn, Vilayət Eyvazov uzun illərdir ki, Daxili İşlər Nazirliyində işləyib. Buna görə də onun təyinatını yüksə

24 iyun 2019

"Əli Nağıyev Eldar Mahmudov kimi OBXSS işçisi deyil" - DEPUTAT

Prezident İlham Əliyevin iyunun 20-də həyata keçirdiyi kadr dəyişiklikləri gündəmin ən çox müzakirə olunan mövzularından biridir.. Prezidentin imzaladığı sərəncamla Baş prokuror yanında Korrupsiyaya qarşı Mübarizə Baş İdarəsinin rəis müavini, general-mayor Əli Nağıyevi Dövlət Təhlükəsizlik Xidmətin

24 iyun 2019

Dilqəm və Şahbazın işi Avropa məhkəməsinə göndərilib - RƏSMİ

"Bu il ərzində Avropa Məhkəməsinin öz mövqeyini bildirməsini gözləyirik". . "Erməni girovluğunda olan Dilqəm Əsgərov və Şahbaz Quliyevlə bağlı şikayət Avropa Məhkəməsinə göndərilib və Azərbaycan hökuməti də bu prosesdə iştirak edir.". . Bunu Prezident Administrasiyasının Hüquq-mühafiz

24 iyun 2019

Mehriban Əliyevaya xüsusi mükafat verildi

Bakıda Birləşmiş Millətlər Təşkilatının (BMT) Dövlət Xidmətləri Forumu çərçivəsində Azərbaycan BMT-nin xüsusi mükafatına layiq görülüb. . . Sonxeber.az "Report"a istinadla xəbər verir ki, BMT Baş katibinin iqtisadi və sosial məsələlər üzrə müavini Liu Zenmin ölkəmizdə rəqəmsal idarəetməni

24 iyun 2019

Rusiyadan Qarabağda MÜHARİBƏ XƏBƏRDARLIĞI: Azərbaycan Ordusu...

"Dağlıq Qarabağda müharibəyə hazırlıq gedir".. . Publika.az xəbər verir ki, bu barədə Rusiyanın "vladtime" saytı iddia edib.. . Valeri Axrimoviçin müəllifi olduğu məqalədə bildirilir ki, Qarabağ cəbhəsində vəziyyət kəskinləşir: "Azərbaycan tərəfi ermənilərin qumbaraatanlarl

24 iyun 2019

Artur Rasizadə son nazir təyinatlarından DANIŞDI: Mədət Quliyev və Ramil Usubov...

"Cənab Prezidentin son təyinatlarını çox yüksək qiymətləndirirəm. Çünki təyin olunan şəxslər həmişə işlərinin öhdəsindən layiqincə gəlməyi bacarıblar". . . Sonxeber.az-ın məlumatına görə, bunu modern.az saytına açıqlamasında eks-Baş nazir Artur Rasizadə Prezident İlham Əliyev 20 iyunda imzaladığ

24 iyun 2019

Birinci vitse-prezident Mehriban Əliyeva açılış mərasimində

İyunun 24-də Bakıda, Heydər Əliyev Mərkəzində Birləşmiş Millətlər Təşkilatı və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin birgə təşkilatçılığı ilə BMT-nin Dövlət Xidmətləri Forumu işə başlayıb.. . Prezidentin Mətbuat Xidmətində

24 iyun 2019

Tramp İranı vurmaq əmrini teleaparıcının məsləhəti ilə geri götürüb

ABŞ prezidenti Donald Tramp Hörmüz körfəzi üzərində Birləşmiş Ştatların pilotsuz kəşfiyyat təyyarəsinin vurulmasına cavab olaraq İranın hava hücumundan müdafiə batareyalarına və radarlarına zərbələrin endirilməsi barədə əmrini teleaparıcının məsləhəti ilə geri götürüb. Virtualaz.org xəbər verir ki, b

22 iyun 2019

Prezident bu şəxsləri təltif etdi - SƏRƏNCAM

Prezident İlham Əliyev dövlət qulluqçularının təltif edilməsi haqqında sərəncam imzalayıb. . . Sonxeber.az xəbər verir ki, sərəncama əsasən, dövlət qulluğunda səmərəli fəaliyyətlərinə görə aşağıdakı şəxslər təltif ediliblər:. . 3-cü dərəcəli "Vətənə xidmətə görə" ordeni ilə. . Dadaşov Mehd

22 iyun 2019